নোৱা নৈত গা ধুবলৈ গৈ এজনৰ সলিল সমাধি...

ডিজিটেল সংবাদ, মঙলদৈ: মঙলদৈত নিকটৱৰ্তী নোৱা নৈত অঘটন। শনিবাৰে গধুলি সমনিয়াৰ সৈতে নৈত গা ধুব গৈ এগৰাকী যুৱক নিখোজ হয়।যুৱকজনৰ নাম সৈতন্য সিং দৈমাৰি।

যুৱকজনৰ ঘৰ মঙলদৈ চহৰৰ ৩ নং ৱাৰ্ডত বুলি জানিব পৰা গৈছে। ৫জন বন্ধুৰে মিলি নদীত গা ধুব আহিছিল যুৱকজন। খবৰ পাই ঘটনাস্থলিত মঙলদৈ আৰক্ষী আৰু এছ ডি আৰ এফৰ উদ্ধাৰকাৰী দল উপস্থিত হৈ উদ্ধাৰ অভিযান চলাই।

অৱশেষত সৈতন্য সিঙৰ মৃতদেহ গভীৰ পানীৰ পৰা উদ্ধাৰ কৰে উদ্ধাৰকাৰী দলে। মৃতদেহটো উদ্ধাৰ কৰি বৰ্তমানলৈ মঙলদৈ অসামৰিক চিকিৎসালয় ৰখা হয়। মৰণোত্তৰ পৰীক্ষাৰ পিছত দেওবাৰে মৃতদেহ পৰিয়ালৰ লোকক গতাই দিয়াৰ সম্ভাৱনা আছে।

Also Read: মাৰ্ঘেৰিটাত পথ সুৰক্ষা সজাগতা সভা...