ডিজিটেল সংবাদ, মঙলদৈঃ গ্ৰীষ্মকালীন বন্ধৰ সময়তে ৰাজ্যৰ প্ৰান্তে প্ৰান্তে বিভিন্ন ধৰণৰ কৰ্মশালাসমুহ অনুষ্ঠিত হয়। আন আন প্ৰান্তৰ দৰে দৰঙৰ দলগাঁওত অসম চৰকাৰৰ সাংস্কৃতিক বিভাগৰ উদ্যোগত আৰু দলগাঁও মডেল একাডেমীৰ সহযোগত ১ জুলাই ২০২৪ৰ পৰা আৰম্ভ হোৱা গ্ৰীষ্মকালীন সমষ্টি ভিত্তিক আৰ্ট এণ্ড ক্ৰাফ্ট কৰ্মশালা খনিৰ সোমবাৰে সফল সামৰণি হয় ।
এই আৰ্ট এণ্ড ক্ৰাফ্ট কৰ্মশালাৰ সফল সামৰণি অনুষ্ঠানত উপস্থিত থাকে অসম চৰকাৰৰ সাংস্কৃতিক পৰিক্ৰমা বিভাগৰ বিষয়া বিদ্যাধৰ দেউৰি, স্থানীয় ব্যক্তি ড° বেগম হাছিনা চুলতানা, সমাজ কৰ্মী চুলতান আহমেদ আব্দুল জলিন,অবনী কুমাৰ চহৰীয়াকে ধৰি সহস্ৰাধিক লোক। এই কৰ্মশালাত মুঠ শিক্ষাৰ্থী ৩০গৰাকী আছিল। অনুষ্ঠানত শিক্ষাৰ্থীসকলক চৰকাৰৰ তৰফৰ পৰা প্ৰমান পত্ৰ প্ৰদান কৰা হয়।
