মাছখোৱাৰ মহিৰূঢ় ফুলেশ্বৰ দত্তৰ ৯২ সংখ্যক জন্মদিনৰ আয়োজন...

ডিজিটেল সংবাদ ধেমাজিঃ ধেমাজি জিলা মাছখোৱা অঞ্চলৰ সামাজিক-সাংস্কৃতিক ক্ষেত্ৰখনৰ মহিৰূঢ় স্বৰূপ তথা শিক্ষাবিদ ফুলেশ্বৰ দত্তৰ ৯২ সংখ্যক জন্ম দিনটো অহা ১৫ আগষ্টত মাছখোৱা মিলন সংঘত উদযাপন কৰিবললৈ মাছখোৱা ৰাইজে সিদ্ধান্ত গ্ৰহণ কৰিছে ৷ মাছখোৱাবাসী অঞ্চলৰ সমাজ জীৱনলৈ অৱদান আগবঢ়োৱা ৯২ বছৰীয়া ফুলেশ্বৰ দত্তৰ জীৱন কৰ্মৰাজীক লৈ প্ৰণয়ন কৰা অভিনন্দন গ্ৰন্থখনি উন্মোচন কৰিব অসম সাহিত্য সভাৰ উপ- সভাপতি ড° গিৰিশ সন্দিকৈয়ে ৷

ইয়াৰ উপৰিও তেখেতৰ জীৱন পৰিক্ৰমাক লৈ প্ৰস্তুত কৰা তথ্যচিত্ৰ “ মন দেখ হদয়ে হামাৰু” উন্মোচন কৰিব অসম কলেজ শিক্ষক সন্থাৰ সম্পাদক জয়ন্ত কুমাৰ বৰাই৷ অনুষ্ঠানত মাছখোৱাৰ বিভিন্ন দল সংগঠনে ফুলেশ্বৰ দত্তক সম্বৰ্ধনাও জ্ঞাপন কৰিব ৷

ফুলেশ্বৰ দত্তৰ প্ৰাক্তন ছাত্ৰ - ছাত্ৰী, সহকৰ্মী তথা অনুৰাগীসকলক উদযাপন সমিতিৰ কৰ্মকৰ্তা সকলে ৮৬৩৮৭৭৮৩৮১,৯৪০১১২০৩৫১ আৰু ৯৪৩৫৯২১১৪৩ নম্বৰত যোগাযোগ কৰিবলে অনুৰোধ জনাইছে৷

Also Read: উত্তৰ যোৰহাট উপ-ক্ৰীড়া সন্থাৰ আন্তঃক্লাব ফুটবলত পঞ্চৰত্ন সমাজ কল্যাণ কেন্দ্ৰ চেম্পিয়ন...