ধেমাজিত বানাক্ৰান্ত কৃষকৰ বাবে সমূহীয়া কঠিয়াতলী প্ৰস্তুত...

ডিজিটেল সংবাদ ধেমাজিঃ বান পানীত ক্ষতিগ্ৰস্ত হোৱা চহা কৃষিজীৱী কৃষকসকলক সকাহ দিয়াৰ উদ্দেশ্য ধেমাজি কৃষি বিভাগে সমূহীয়াকৈ কঠিয়াতলী প্ৰস্তুত কৰাৰ ব্যৱস্থা কৰিছে ৷ শুকুৰবাৰে ধেমাজি কৃষি বিভাগে ধেমাজি ১ নং বৰাচিৰা পথাৰত আৰ কে ভি ৱাই (RKVY) আচঁনিৰ অধীনত ৩ হেক্টৰ কৃষিভূমিত কঠিয়া বীজ আনুষ্ঠানিকভাৱে সিঁচি শুভাৰম্ভ কৰে ধেমাজি কৃষি বিভাগৰ কৃষি উন্নয়ন বিষয়া ৰেখাংকনা পেগুৱে ৷

উল্লেখ্য যে এই বছৰ ধেমাজি জিলাত কেৱল ধেমাজি কৃষিচক্ৰৰ অধীনত ১০হেক্টৰ কৃষি ভূমিৰ চাৰি ঠাইত এনে সমূহীয়া কঠিয়াতলী প্ৰস্তুত কৰি দিছে কৃষি বিভাগে ৷ উন্নত জাতৰ ধানৰ বীজ ৰঞ্জিত চাব-১ কঠিয়াৰ জৰিয়তে বানত ক্ষতিগ্ৰস্ত কৃষিকৰ পৰিয়ালে সকাহ লাভ কৰিব বুলি আশা প্ৰকাশ কৰিছে কৃষি বিভাগৰ লগতে বৰাচিৰা কৃষকসকলে৷