ডিজিটেল সংবদ ধেমাজিঃ ধেমাজি জিলাৰ অন্তৰ্গত অসম অৰুণাচলৰ সীমান্তবৰ্তী অঞ্চলৰ বৰদলনি আৰক্ষী চকী এলেকাৰ জয়ৰামপুৰৰ শংকৰপুৰ মাজগাওঁত স্বামীক পত্নী আৰু নিজ কন্যাই ৭ মাহৰ আগতে হত্যা কৰি গাঁতত পুতি থোৱা এক চাঞ্চল্যকৰ ঘটনা শুকুৰবাৰে পোহৰলৈ আহিছে ৷
ঘটনাৰ তথ্য অনুসৰি চলিত বছৰৰ ১৬ মে'ত স্বামী-স্ত্ৰীৰ মাজত হৈছিল কাজিয়াৰ সূত্ৰপাত ৷ পৰিস্থিতিৰ এনে হ'লগৈ যে,অৱশেষত পত্নী আৰু জীয়ৰীয়ে মিলি কোৰৰে ঘপিয়াই হত্যা কৰিলে স্বামী যাদৱ চুতীয়াক(৪৫)।
উল্লেখ্য, হত্যাকাৰী পত্নী আৰু জীয়ৰীয়ে শুকুৰবাৰে প্ৰায় ৭ মাহৰ আগতে হত্যা কৰা ঘটনাৰ বিষয়ে আৰক্ষীক দিলে স্বীকাৰোক্তি। ইয়াৰ পাছতে বাৰীত পুতি থোৱা মৃতদেহ দণ্ডাধীশৰ উপস্থিতত গোগামুখ আৰক্ষীয়ে শুকুৰবাৰে খান্দি উলিয়াই ৷ স্মৰ্তব্য, আৰক্ষীয়ে গ্ৰেপ্তাৰ কৰিছে দুই হত্যাকাৰী পত্নী আৰু জীয়ৰীক।
