২৫ ডিচেম্বৰত চিলাপথাৰত অনুষ্ঠিত হ'ব ধেমাজি জিলা সাংবাদিক সংস্থাৰ অষ্টম দ্বি-বাৰ্ষিক অধিৱেশন

ডিজিটেল সংবাদ,ধেমাজি: বৃহস্পতিবাৰে দুপৰীয়া চিলাপথাৰ প্ৰেছ ক্লাৱত ধেমাজি জিলা সাংবাদিক সংস্থাৰ এখনি কাৰ্য্যনিৰ্বাহক সভা অনুষ্ঠিত হয় ৷ জিলা সাংবাদিক সংস্থাৰ সভাপতি প্ৰেমানন্দ তালুকদাৰে সভাপতিত্ব কৰা সভাৰ উদ্দেশ্যে ব্যাখ্যা কৰে সাধাৰণ সম্পাদক জীৱন কোঁৱৰে ৷ সভাত জিলা সাংবাদিক সংস্থাৰ অষ্টম দ্বি-বাৰ্ষিক অধিৱেশনখনি চিলাপথাৰ প্ৰেছ ক্লাৱৰ আতিথ্যত অহা ২৫ ডিচেম্বৰত অনুষ্ঠিত কৰিবলৈও সিদ্ধান্ত গ্ৰহণ কৰে ৷

ইয়াৰোপৰি জিলাখনৰ ধেমাজি, জোনাই , চিলাপথাৰ, মাছখোৱা আৰু গোগামুখকে ধৰি ৫টা প্ৰেছ ক্লাৱৰ পৰা অহা সাংবাদিক বিষয়াববীয়া সকলে সভাত সাংবাদিক সকলৰ বিভিন্ন সমস্যাকে ধৰি বহুকেইটা গুৰুত্বপূৰ্ণ আলোচনা কৰে ৷

সভাত জিলা সাংবাদিক সংস্থাৰউপ-সভাপতি গুণাধৰ দলে,জোনাই প্ৰেছ ক্লাৱৰ সভাপতি ৰয়েল পেগু, চিলাপথাৰ প্ৰেছ ক্লাৱৰ সভাপতি নয়নমনি মহন্ত,প্ৰাক্তন অসম বাৰ্তাজীৱী সংঘৰ সদস্যা কৰবী দলে, অসম বাৰ্তাজীৱী সংঘৰ উত্তৰ পূৰ্ব মণ্ডলৰ উপ-সভাপতি ভাস্কৰজ্যোতি সভাপণ্ডিত, অসম বাৰ্তাজীৱী সংঘৰ কাৰ্য্যনিবাহক সদস্য অশ্বিনী কুমাৰ দুৱৰাই উপস্থিত থাকি সমস্যা সমূহৰ সম্পৰ্কে বক্তব্য ৰাখে৷

Also Read: সত্ৰাধিকাৰ জগন্নাথ মহন্তৰ বিয়োগ