ধেমাজি হাতীপৰাত ভয়ংকৰ অগ্নিকাণ্ড : এখন, এখনকৈ নখন দোকানত লাগিল জুই

ডিজিটেল সংবাদ, ধেমাজি : ধেমাজি সদৰ আৰক্ষী থানাৰ পৰা প্ৰায় ২০ কিলোমিটাৰ নিলগৰ ধেমাজি হাতীপাৰা চাৰিআলিত বুধবাৰে পুৱাই বৈদ্যুতিক শ্বৰ্ট চাৰ্কিট হৈ দাওদাওকৈ জ্বলি উঠে ৯ খন দোকান ৷ অগ্নিকাণ্ড ইমানে ভয়ংকৰ আছিল যে জুইৰ লেলিহান শিখাই এখন দোকানৰ পৰা অন্য কেইখন দোকানলৈ ক্ষন্তেকতে বিয়পি পৰিছিল।

ফলত মূহূৰ্ত্ততেই চিদানন্দ গগৈৰ কাপোৰৰ দোকান, সতীশ দলেৰ ষ্টিলৰ দোকান , গোবিন মিলিৰ বাই চাইকেলৰ দোকান , খগেন দলেৰ গেলামাল দোকান , ধনৱতী দলেৰ নিজা বাসগৃহ আৰু চানা মিঠাই দোকান ,পদ্মেশ্বৰী কুলিৰ চেলুন আৰু চানা মিঠাইৰ দোকানত অগ্নি সংযোগ হয়। একেদৰে দিলীপ পেগুৰ কম্পিউটাৰ আৰু মোবাইল দোকান , চন্দ্ৰমনি গোহাঁইৰ গ্ৰাহক সেৱা কেন্দ্ৰ (চি.এচ.পি) পঞ্জাৱ নেচনেল বেংককে ধৰি  ৯ খন দোকানৰ কেইবা লক্ষাধিক টকাৰ সা-সম্প্ৰতিৰ লগতে নগদ টকা ভস্মীভূত হয় ৷

ঘটনাৰ পিছতেই ততাতৈয়াকৈ তিনিখন অগ্নিনিৰ্বাহক বাহিনীৰ গাড়ীয়ে গৈ জুই নিৰ্বাপিত কৰিবলৈ সক্ষম হয় ৷

Also Read: পথ নিৰ্মাণৰ নামত বৰ্ষাৰণ্য পবাত মূল্যৱান গছ কাটি বন ধ্বংসযজ্ঞ...