অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে ধেমাজিত আছুৰ বিক্ষোভ...

ডিজিটেল সংবাদ ধেমাজিঃ অত্যাৱশ্যকীয় সামগ্ৰীৰ মূল্যবৃদ্ধিৰ প্ৰতিবাদত সদৌ অসম ছাত্ৰ সন্থাৰ আহ্বান মৰ্মে ধেমাজি সদৰৰ ধেমাজি আঞ্চলিক ছাত্ৰ সন্থাৰ কাৰ্যালয়ৰ ছহিদ উদ্যানৰ সন্মুখত শুকুৰবাৰে পুৱা ১১ বজাত বিক্ষোভ প্ৰদৰ্শন কৰে ৷ প্ৰতিবাদী আছু কৰ্মীসকলে মূল্য বৃদ্ধি ৰোধ কৰক, যোগান মন্ত্ৰী ৰনজিৎ দাসৰ কাম নাই,অসম চৰকাৰ হায় হায়, হিমন্ত বিশ্ব শৰ্মা হায় হায় আদি বিভিন্ন চৰকাৰ বিৰোধী শ্লোগানেৰে প্ৰতিবাদ সাৱ্যস্ত কৰে ৷

প্ৰতিবাদত অংশগ্ৰহণ কৰি জিলা ছাত্ৰ সন্থাৰ বিষয়ববীয়াসকলে প্ৰতিদিনে অত্যাৱশ্যকীয় সামগ্ৰী পাচলিকে ধৰি প্ৰতিটো সামগ্ৰীৰ দাম বৃদ্ধিক লৈ চৰকাৰক সকিয়নি দি অতি শীঘ্ৰে মূল্য বৃদ্ধি ৰোধ কৰিবলৈ দাবী জনাই ৷ অন্যথা চৰকাৰ বিৰুদ্ধে গণতান্ত্ৰিক আন্দোলন অব্যাহত ৰাখিব বুলি হুংকাৰ দিয়ে ৷

প্ৰতিবাদী বিক্ষোভ কাৰ্য্যসূচীত সদৌ অসম ছাত্ৰ সন্থাৰ কেন্দ্ৰীয় কাৰ্য্যনিবাহক ৰবি কছাৰী, ধেমাজি জিলা ছাত্ৰ সন্হাৰ উপদেষ্টা দিপক শৰ্মা, সভাপতি সঞ্জীৱ দাস,সাধাৰণ সম্পাদক জয়ন্ত বৰগোহাঁই আৰু সহকাৰী সম্পাদক দেবেন ডেকা উপস্থিত থাকে ৷

Also Read: যুৱতীক অশ্লীল ফটো বিচাৰি চৰ খোৱা SI লুহিত ৰাজবংশীক নিলম্বন...