![চিলাপথাৰত পথ দুৰ্ঘটনা : নিহত এজন](http://media.assettype.com/asomiyapratidin%2Fimport%2Fwebsite%2F2019%2F05%2Fbig-news-face.jpg?w=480&auto=format%2Ccompress&fit=max)
ডিজিটেল সংবাদ,চিলাপথাৰ : চিলাপথাৰ আৰক্ষী থানাৰ অন্তৰ্গত ভগৱান চিলিত সংঘটিত হয় এক ভয়ংকৰ দুৰ্ঘটনা। দুৰ্ঘটনাৰ ফলত থিতাতে নিহত হয় এগৰাকী যুৱক। জানিব পৰামতে নিহত যুৱকজন হৈছে- ভীম বাহাদুৰ চেত্ৰী (৩২)।
উল্লেখ্য যে বুধবাৰে সন্ধিয়া ২ নং চিলি নেপালী গাঁৱৰ নিবাসী ভীম বাহাদুৰে ভগৱান চাৰিআলিৰ পৰা ঘৰলৈ বুলি ৫১৫ নং ৰাষ্ট্ৰীয় ঘাইপথৰে খোজকাঢ়ি গৈ আছিল। উক্ত সময়তে চিমেন চাপৰিৰ পৰা চিলাপথাৰ অভিমুখে আহি থকা AS 07 W 1686 নম্বৰৰ তীব্ৰ বেগী মাৰুতি চুইফট্ বাহনখনে খুন্দা মাৰে।
ফলত থিতাতে নিহত হয় যুৱকজন। দুৰ্ঘটনা সংঘটিত কৰিয়ে চালকজন ঘটনাস্থলীৰ পৰা পলায়ন কৰে। আৰক্ষীয়ে ইতিমধ্যে ঘটনাৰ তদন্ত অব্যাহত ৰাখিছে।