ধেমাজিত 'জ্যেষ্ঠ আড্ডা' আবেলি ৰং...

ডিজিটেল সংবাদ ধেমাজিঃ ধেমাজি জিলাৰ ভালে সংখ্যক জ্যেষ্ঠ নাগৰিকৰ উপস্থিতিত মঙ্গলবাৰে বিয়লি ধেমাজিৰ ষ্টেচন ৰোডস্থিত ঈশ্বৰ প্ৰসাদ দেউৰীৰ বাসগৃহত চলিত মাহৰ "জ্যেষ্ঠ আড্ডা" আবেলিৰ ৰং নামেৰে জ্যেষ্ঠ নাগৰিকসকলৰ এটি অনুষ্ঠান অনুষ্ঠিত কৰা হয়। হেমা দেউৰীয়ে বন্তিপ্ৰজ্বলনেৰে শুভাৰম্ভণি কৰা অনুষ্ঠানৰ আতঁ ধৰে ধেমাজি সদৰ শাখাৰ সম্পাদিকা কুঞ্জলতা বড়াই ৷

বিনীতা চৌধুৰী গাৰোডিয়াই পৰিচালনা কৰা অনুষ্ঠানটিত ধেমাজি জিলা জ্যেষ্ঠ নাগৰিক সন্মিলনৰ সভাপতি নন্দেশ্বৰ বৰগোহাঁই,জ্যেষ্ঠ ব্যক্তি ক্ৰমে কৃষ্ণ কুমাৰ বাঞ্চাল, হেৰেম্বৰ দাস, বিমল ৰাজখোৱা, প্ৰফুল্ল বৰগোহাঁই, নীতিশ নন্দী, বিদ্যাসাগৰ বৰগোহাঁই, ৰম্ভা চুতীয়া, বীনা বৰপাত্ৰগোহাঁই, ৰীতা বড়া দাসকে ধৰি ভালেসংখ্যক জ্যেষ্ঠ লোকে উপস্থিত থাকি কবিতা পাঠ, হাস্য ৰস, স্বাস্থ্য পৰামৰ্শ প্ৰদান কৰাৰ লগতে মনোৰঞ্জনমূলক খেলতো অংশগ্ৰহণ কৰে।

Also Read: জনজাতিকৰণ আৰু স্বায়ত্ত্ব শাসনৰ দাবীত সদৌ তাই আহোম ছাত্ৰ সন্থাৰ প্ৰতিবাদ...