অন্ত পৰিল AJYCPৰ ধেমাজি জিলা সমিতিৰ একবিংশতিতম দ্বি-বাৰ্ষিক অধিবেশন...

ডিজিটেল সংবাদ গোগামুখঃ অসমীয়া জাতিৰ অস্তিত্ব ৰক্ষাৰ এই জাতীয় সংগ্ৰামখনিক আৰু অধিক শক্তিশালী, গণমুখী আৰু তৰাম্বিত কৰাৰ লগতে নৱপ্ৰজন্মক জাতীয়তাবাদী আদৰ্শৰে আগুৱাই নিয়াৰ মানসেৰে ইংৰাজী ২৮ আৰু ২৯ অক্টোবৰ, ২০২৪ তাৰিখে অসম জাতীয়তাবাদী যুৱ ছাত্ৰ পৰিষদ ধেমাজি জিলা সমিতিৰ একবিংশতিতম্ দ্বি-বাৰ্ষিক অধিবেশনখন গোগামুখ আঞ্চলিক সমিতিৰ আতিথ্যত আৰু গোগামুখবাসী ৰাইজৰ সহযোগত বৰ্ণাঢ্য দুদিনীয়া কাৰ্যসূচীৰে গোগামুখত অনুষ্ঠিত হয়।

উক্ত দুয়োটা দিনৰ বিভিন্ন কাৰ্যসূচী ৰূপায়ন কৰা সমান্তৰাল ভাৱে আজি বাৰেৰহনীয়া সাংস্কৃতিক শোভাযাত্ৰা বাহিৰ কৰে। অনুষ্ঠানত উপস্থিত থাকে অসমৰ জনপ্ৰিয় অভিনেতা নয়ন নীলিম, অভিনেত্ৰী ভ্ৰান্তি মেধিৰ লগতে অনুষ্ঠানত উপস্থিত থাকে অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় সমিতিৰ মূখ্য উপদেষ্টা ৰাণা প্ৰতাপ বৰুৱা, সভাপতি পলাশ চাংমাই, সাধাৰণ সম্পাদক ৰাতুল বুঢ়াগোহাঁই। তাৰোপৰি সন্ধিয়ালৈ অনুষ্ঠিত হয় জনপ্ৰিয় কণ্ঠশিল্পী আচুৰ্য বৰপাত্ৰৰ গীতৰ শৰাই।

আনহাতে অসম জাতীয়তাবাদী যুৱ ছাত্ৰ পৰিষদৰ পূৰ্ব ধেমাজি জিলা সমিতিৰ ভংগ কৰি নতুনকৈ জিলা সমিতিৰ গঠন কৰি সভাপতি হিচাপে দায়িত্ব অৰ্পণ কৰে ভাস্কৰ বুঢ়াগোহাঁই আৰু সম্পাদক হিচাপে ৰঞ্জন বৰাক।

Also Read: চাপৰ ৰাজহ চক্ৰৰ কাৰ্যালয় স্থানান্তৰৰ বিৰুদ্ধে অব্যাহত গণতান্ত্ৰিক প্ৰতিবাদ...