ৰাষ্ট্ৰীয় ঘাইপথৰ পৰা পানীত বাগৰিল ভাৰ্ণা গাড়ী

ডিজিটেল সংবাদ,ধেমাজি : ধেমাজি জিলাৰ চমৰাজানত পথ দুৰ্ঘটনা। বানে বিধস্ত কৰি মৰণফান্দ সদৃশ গাঁত সৃষ্টি কৰা ধেমাজি চমৰাজানৰ ভজো গাঁৱৰ ১৫ নং ৰাষ্ট্ৰীয় ঘাইপথৰ সমীপত বৃহস্পতিবাৰে বিয়লি সংঘটিত হয় এক ভয়ংকৰ পথ দুৰ্ঘটনাৰ ৷

উল্লেখ্য যে জীয়াঢলৰ পানীয়ে বুৰাই পেলোৱা ৰাষ্ট্ৰীয় ঘাইপথৰ পৰা বাগৰি সমীপৰ পথাৰৰ এবুকু পানীত পৰিল বিলাসী হুণ্ডাই ভাৰ্ণা গাড়ী ৷ দুৰ্ঘটনাটত WB 06 G 8484 নম্বৰৰ গাড়ীখনৰ চালকজনৰ কথমপি প্ৰাণ ৰক্ষা পৰে।

তীব্ৰ বেগ আৰু পথৰ ওপৰেৰে বাগৰা জীয়াধলৰ পানীৰ বাবেই দুৰ্ঘটনাটো সংঘটিত হোৱাৰ সন্দেহ ৷ আঘাতপ্ৰাপ্ত চালকজনৰ নাম জানিব পৰা নাই যদিও লখিমপুৰ জিলাৰ বগীনদীত ঘৰ বুলি জানিব পৰা গৈছে ৷

উল্লেখযোগ্য যে ৰাষ্ট্ৰীয় ঘাইপথৰ এই পানী বাগৰা অংশত ইয়াৰ পূৰ্বেও কেইবাটাও দুৰ্ঘটনা সংঘটিত হৈছে। আনহাতে প্ৰশাসনে এই স্থানত সুৰক্ষাৰ ব্যৱস্থা নকৰাৰ অভিযোগ স্থানীয় একাংশ ৰাইজৰ।

Also Read: হায়দৰাবাদত ঢকুৱাখনাৰ যুৱকৰ অকাল বিয়োগ