টেঙাখাতত অসম জাতীয় পৰিষদৰ কেন্দ্ৰীয় মে-ডাম-মে-ফী উদযাপন...

ডিজিটেল সংবাদ ডিব্ৰুগড়ঃ অসম জাতীয় পৰিষদে ডিব্ৰুগড় জিলাৰ টেঙাখাটত এইবাৰৰ মে-ডাম-মে-ফি উৎসৱ কেন্দ্ৰীয়ভাৱে উদযাপন কৰিব৷ সেই অনুসৰি, কাইলৈ ৩১ জানুৱাৰী মঙলবাৰে অৰ্থাৎ মে-ডাম-মে-ফিৰ দিনা টেঙাখাটৰ ন-দেওঘৰীয়া ৰাজহুৱা খেলপথাৰত পুৱা ৯:৩০ বজাৰ পৰা চাফাই অভিযানেৰে কাৰ্য্যসূচী আৰম্ভ হ'ব৷

মৈদাম আৰু শ্বহীদ তৰ্পন আদি কাৰ্যসূচীৰ পিছত দুপৰীয়া ১২ বজাত মুকলি সভা আৰম্ভ হ'ব৷ মুকলি সভাত দলৰ সভাপতি লুৰীণজ্যোতি গগৈ আৰু সাধাৰণ সম্পাদক জগদীশ ভূঞাসহ কেন্দ্ৰীয় নেতৃবৰ্গৰ লগতে ডাঃ কুমুদ গগৈ, ফুলনী ফুকন আৰু প্ৰভাত ফুকন উপস্থিত থাকিব৷

উক্ত অনুষ্ঠানৰ সকলো কাৰ্যসূচীত অংশগ্ৰহণ কৰিবলৈ অঞ্চলবাসী ৰাইজক আহ্বান জনাইছে উদযাপন সমিতিয়ে৷

Also Read: কংগ্ৰেছৰে আসন বুজাবুজিয়ে ক্ষতি কৰিছে CPI(M)ক ! মানিক বাবুৰ অৱসৰঃ বাওদলত বিদ্ৰোহ...