টেঙাখাতত সোণোৱাল কছাৰীৰ হুচৰি আৰু লেচেৰী নাচৰ কৰ্মশালা...

প্ৰতিদিন সংবাদ, টেঙাখাতঃ টেঙাখাত আঞ্চলিক সোণোৱাল কছাৰী ছাত্ৰ সন্থাৰ উদ্যোগত বৃহস্পতিবাৰে পানধোৱা গাঁৱৰ ত্ৰিবৰ্গ সংঘ প্ৰাঙ্গনত সোণোৱাল হুচৰি তথা লেচেৰী নাচৰ ওপৰত বিশেষ কৰ্মশালা অনুষ্ঠিত হয় । লগতে কিছুদিন পূৰ্বে নিৰ্বাচিত সদৌ অসম সোণোৱাল কছাৰী ছাত্ৰ সন্থাৰ নব-নিৰ্বাচিত সভাপতিক ৰাজহুৱা সম্বৰ্ধনা জনোৱা হয় ।

টেঙাখাত আঞ্চলিক সোণোৱাল কছাৰী ছাত্ৰ সন্থাৰ সভাপতি মইনা হাজৰীকাৰ পৌৰহিত্যত অনুষ্ঠিত বহু সংখ্যক ছাত্ৰ ছাত্ৰী প্ৰশিক্ষাৰ্থী তথা ৰাইজ উপস্থিত থকা উক্ত সভাত সদৌ অসম সোণোৱাল কছাৰী ছাত্ৰ সন্থাৰ নৱনিৰ্বাচিত সভাপতি দেবানন্দ চেলেং উপস্থিত হোৱাৰ লগে লগে টেঙাখাত আঞ্চলিক সোনোৱাল কছাৰী ছাত্ৰ সন্থা তথা অন্যান্য বিভিন্নজনে ৰাজহুৱাকৈ সোনোৱালীৰে উষ্ম আদৰণি আৰু সম্বৰ্ধনা জনায় ।

সভাপতিগৰাকীৰ লগত কেন্দ্ৰীয় উপসভাপতি বিষ্ণু সোণোৱাল বিত্ত সম্পাদক চৰিত্ৰ সোণোৱাল কাৰ্যনিৰ্বাহক সদস্য জ্যোতিষ শইকীয়া ডিব্ৰুগড় জিলা সমিতিৰ সম্পাদক ঋতুপৰ্ণ বৰুৱা সাংগঠনিক সম্পাদক অমিত সোণোৱাল প্ৰাক্তন সভাপতি অৰুণ সোণোৱালে অংশগ্ৰহণ কৰে । উক্ত সভাত সম্বৰ্ধনা গ্ৰহণ কৰি দেৱানন্দ চেলেঙে ভাষণ প্ৰদান কৰে । লগতে কৰ্মশালাৰ প্ৰশিক্ষাৰ্থী সকলক উদ্দেশ্যে সদৌ অসম সোণোৱাল কছাৰী সাহিত্য সভাৰ সাংস্কৃতিক সম্পাদক মহানন্দ সোণোৱালে সৰ্বদিশ সামৰি ভাষণ প্ৰদান কৰে ।

Also Read: নুমলীগড়ত নৃশংস হত্যাকাণ্ড...