দিহা নামেৰে বিশ্ব ৰেকৰ্ডঃ কলিয়াবৰত সমবেত ৭০০ গৰাকী আয়তী

ডিজিটেল সংবাদ, কলিয়াবৰঃ কলিয়াবৰত মঙলবাৰে একেলগে সমবেত হ'ল ৭০০ গৰাকী আয়তী । জখলাবন্ধা মিলন সংঘৰ বাকৰিত দিহানামৰ ধ্বনিৰে মুখৰিত হৈ পৰিল ক্ষন্তেক সময়। উল্লেখ্য য, সদৌ অসম শংকৰ-মাধৱ সাংস্কৃতিক দিহানাম সমিতিৰ উদ‍্যোগত ৬০ হাজাৰ আয়তীৰে দিহানামৰ বিশ্ব অভিলেখৰ বাবে আজি একত্ৰিত হয় কলিয়াবৰৰ ৭০০ গৰাকী আয়তী ।

বিশ্ব অভিলেখত পৰিবেশন কৰিব লগীয়া দিহানাম ভাগ আজি কলিয়াবৰৰ জখলাবন্ধা মিলন সংঘৰ বাকৰিত আয়তী সকলৰ উপস্থিতিত শুভাৰম্ভ কৰে ‌সমিতিৰ বিষয়ববীয়া সকলে । ইপিনে অহা ২৫ নৱেম্বৰত পলাশবাৰীত এই বিশ্ব অভিলেখৰ ঠাই নিৰ্বাচন কৰিছে বুলি উদ্যোক্তা সকলে জানিবলৈ দি কয় যে অসমৰ মুখ্যমন্ত্ৰী ড° হিমন্ত বিশ্ব শৰ্মাৰো সহাৰি লাভ কৰিব বুলিও আশা ব‍্যক্ত কৰিছে সমিতিৰ বিষয়ববীয়াৰ হৈ প্ৰতিভা খনিকৰে । এই উদ্দেশ্যৰে জীৱন বৰাৰ সভাপতিত্বত অনুষ্ঠিত এখনি সভাত সমিতিৰ ৰাজ্যিক সভাপতি গনেশ দাসে ভাষন দিয়ে।

Also Read: দুদিনীয়া ভ্ৰমণসূচীৰে লখিমপুৰত উপস্থিত অসমৰ ৰাজ্যপাল