ফৰকাটিং চিনিয়ৰ ছেকেণ্ডাৰী স্কুলৰ ছাত্র- ছাত্রীৰ গ্ৰাম্য বজাৰ সন্দৰ্ভত গৱেষণামূলক অধ্যয়ন...

ডিজিটেল সংবাদ, ফৰকাটিং : ফৰকাটিঙৰ এখন আগশাৰী বিদ্যালয় ফৰকাটিং চিনিয়ৰ ছেকেণ্ডাৰী স্কুলৰ ছাত্র-ছাত্রীৰ এক ব্যতিক্রমী পদক্ষেপ। বিদ্যালয়ৰ অৰ্থনীতি বিভাগৰ শিক্ষয়িত্ৰী মানসী বৰুৱা, দৰ্শন বিভাগৰ শিক্ষয়িত্ৰী মৌনমী গগৈৰ তত্ত্বাৱধানত দ্বিতীয় বৰ্ষৰ ৪০ জনীয়া ছাত্র-ছাত্রীৰ গোটে ২৩ অক্টোবৰ দেওবাৰে ফৰকাটিং অঞ্চলৰ সাপ্তাহিক বজাৰত বিস্তৃত গৱেষণা কৰে।

উৎপাদন-বিতৰণৰ প্রক্রিয়া সন্দৰ্ভত ক্ষুদ্র ব্যৱসায়ী সকলৰ লগতে গ্রাহকসকলৰ লগত মত-বিনিময় কৰে। ব্যৱসায়ী সকলে বজাৰৰ জৰিয়তে তেওঁলোকে অৰ্থনৈতিক স্থিতিত উন্নয়ণ সাধিব পাৰিছে নে নাই সেই সন্দৰ্ভত অধ্যয়ন কৰে। ছাত্র-ছাত্ৰী সকলে বজাৰ সম্পৰ্কত তথা এখন বজাৰৰ থাকিব লগা সুযোগ-সুবিধা ওপৰত বজাৰ তত্ত্বাৱধায়ক সকলৰ লগত আলোচনাত মিলিত হয়।

কেঁচা-সামগ্রী সমূহৰ উৎপাদন পদ্ধতি তথা কোন স্থানত কিমান দৰ- দামত ক্রয়-বিক্রয় হয় সেই সন্দৰ্ভত গৱেষণা কৰাই হৈছে ছাত্র-ছাত্রীৰ মূল উদ্দেশ্য। ফৰকাটিং চিনিয়ৰ ছেকেণ্ডাৰী স্কুলৰ শ্ৰেণীকোঠাৰ বাহিৰত কৰা ব্যৱহাৰিক শিক্ষা গ্রহণৰ এনে পদক্ষেপক স্থানীয় ৰাইজে ভূয়সী প্রশংসা কৰে।