হাজোত বিদ্যালয়ৰ ভিতৰত চাৰি ছাত্ৰৰ প্ৰচণ্ড মাৰপিট

ডিজিটেল সংবাদ,হাজো : এক ভয়ংকৰ ঘটনা সংঘটিত হৈছে হাজোৰ হিৰাজনী একদি দক্ষিণ শিঙৰা মধ্য ইংৰাজী বিদ্যালয়ত। বিদ্যালয়ৰ ভিতৰতে প্ৰচণ্ড মাৰপিট একাংশ ছাত্ৰৰ মাজত।

বিদ্যালয়খনৰ সপ্তম শ্ৰেণীৰ ছাত্ৰৰ মাজত সংঘটিত হয় এই কাজিয়া। ফলত গুৰুতভাৱে আহত হয় সপ্তম শ্ৰেণীৰ এজন ছাত্ৰ। এই ঘটনাৰ পাছতে কাজিয়াত লিপ্ত হোৱা ছাত্ৰৰ বিৰুদ্ধে বিদ্যালয় কৰ্তৃপক্ষই গ্ৰহণ কৰে কঠোৰ পদক্ষেপ।

উক্ত ঘটনাৰে জড়িত চাৰিগৰাকী ছাত্ৰক চাৰিদিনৰ বাবে বিদ্যালয়ৰ পৰা বহিষ্কাৰ কৰে বিদ্যালয় কৰ্তৃপক্ষই। উল্লেখযোগ্য যে বিদ্যালয়ৰ উদণ্ড ছাত্ৰক নিয়ন্ত্ৰণ কৰিব নোৱাৰা শিক্ষকসকলৰ বিৰুদ্ধে একাংশ অভিভাৱকে তীব্ৰ ক্ষোভ প্ৰকাশ কৰিছে।

Also Read: বটদ্রৱা আৰক্ষী থানাৰ সন্মুখত ভয়ংকৰ পথ দুৰ্ঘটনা...