গোৱালপাৰা জিলাৰ আগিয়া থানাৰ অন্তৰ্গত কল্যাণপুৰৰ ৰাজপথত গুলীচালনাৰ ঘটনা সংঘটিত হৈছে।
এদল দুৰ্বৃত্তৰ দলে গুলীয়াই হত্যা কৰে গোৱালপাৰা চহৰৰ অশোক গোৱেল নামৰ এগৰাকী ব্যৱসায়ীক।
নিৰ্মীয়মান আগিয়া-শোলমাৰীৰ ফ'ৰলেন পথৰ কল্যাণপুৰত চাৰিচকীয়া বাহন আগুছি ধৰি শূন্য দূৰত্বৰ পৰা গুলীয়াই হত্যা কৰে ব্যৱসায়ীজনক।
ব্যৱসায়ীগৰাকী পুত্ৰৰ সৈতে গুৱাহাটীৰ দিশৰ পৰা ঘৰলৈ উভতি অহাৰ পথত নিশা ৮.৩০ বজাত সংঘটিত হৈছে এই চাঞ্চল্যকৰ ঘটনাটো।
গোৱালপাৰা চহৰৰ বৰো বজাৰৰ বাসিন্ধা আছিল দুৰ্বৃত্তৰ গুলিত নিহত ব্যৱসায়ী অশোক গোৱেল ।
গুলিত নিহত অশোক গোৱেলৰ গাড়ী চালকক আৰক্ষীয়ে সোধা-পোচা আৰম্ভ কৰিছে।
কোনে কি কাৰণত ব্যৱসায়ীগৰাকীক গুলিয়াই হত্যা কৰিলে বৰ্তমানলৈকে কোনো তথ্য জানিব পৰা হোৱা নাই।
