![বৰপথাৰৰ লতাজুৰি নৃশংস হত্যাকাণ্ডৰ হত্যাকাৰী আৰক্ষীৰ জালত...](http://media.assettype.com/asomiyapratidin%2F2023-11%2F1f4c2378-c833-478b-84ce-f1617a063a0c%2Fbarpathar_09.jpg?w=480&auto=format%2Ccompress&fit=max)
ডিজিটেল সংবাদ বৰপথাৰঃ বৰপথাৰ থানাৰ অন্তৰ্গত লতাজুৰিত সংঘটিত হোৱা নৃশংস হত্যাকাণ্ডৰ ঘটনা পোহৰলৈ অহাৰ প্ৰায় ১১ দিনৰ পিছত বৰপথাৰ আৰক্ষীৰ জালত পৰিল হত্যাকাৰী ৷ পত্নী আৰু সন্তানক চেন্নাইলৈ পলুৱাই লৈ যোৱাৰ বাবেই এই হত্যাকাণ্ড সংঘটিত কৰিলে জিতেন মুৰ্মু নামৰ এজন লোকে ৷
জানিব পৰা মতে প্ৰথমতে মূৰত লাঠিৰে কোবাই আৰু তাৰ পিচত চোকা অস্ত্ৰৰে কাটি অতি নৃশংসভাৱে হত্যা কৰিলে সৰুপথাৰৰ ২ নং পদুমণিৰ মুছাৰফ হুছেইনক ৷ উল্লেখযোগ্য যে, যোৱা ২২ অক্টোবৰত সংঘটিত হোৱা উক্ত হত্যাকাণ্ড পোহৰলৈ আহিছিল যোৱা ২৭ অক্টোবৰত ৷
লতাজুৰি গাৱঁৰ এটা পুখুৰীত পলিথিনেৰে মেৰিয়াই থোৱা অৱস্থাত উদ্ধাৰ হৈছিল মৃতদেহটো ৷ উৱলি যোৱা মৃতদেহটো চিনাক্ত কৰাৰ পিচত মঙলবাৰে আৰক্ষীৰ জালত হত্যাকাৰী জিতেন মুৰ্মু জালত পৰাৰ পিচতহে পোহৰলৈ আহিছে হত্যাকাণ্ডৰ আঁৰৰ ৰহস্য ৷
ইফালে মৃত মুছাৰফৰ মটৰচাইকেলখন হত্যাকাৰীয়ে হত্যাকাণ্ড সংঘটিত কৰা স্থানৰ কিছু দুৰৈৰ এটা পুখুৰীত পেলাই দিছিল ৷ এই ঘটনাই সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰিছে ৷