ডিজিটেল সংবাদ বোকাখাতঃ বোকাখাতৰ বিশিষ্ট বাওঁপন্থী নেতা বলো বৰাৰ আজি দেহাৱসান ঘটে। যোৱা এমাহ ধৰি তেওঁ অসুস্থ হৈ আছিল।
মৃত্যুৰ সময়ত তেওঁ বয়স আছিল ৭১ বছৰ। বৃক্ক আৰু যকৃতৰ ৰোগত আক্ৰান্ত হৈ থকা বৰাই মঙ্গলবাৰে নিজা বাসগৃহতে শেষ নিশ্বাস ত্যাগ কৰে। উল্লেখ্য যে, ৰোগাক্ৰান্ত হৈ থকাৰ সময়তে বলো বৰা এক দুৰ্ঘটনাৰো সন্মুখীন হৈছিল।
সেয়ে তেওঁ নিজা বাসগৃহতে চিকিৎসাধীন হৈ আছিল। এইগৰাকী বাওঁপন্থী নেতা ঐতিহাসিক মৰিয়াহোলা আন্দোলনৰ সময়ৰে পৰা বাওঁপন্থী ৰাজনীতিৰ সৈতে জড়িত হৈ পৰিছিল। তেওঁৰ মৃত্যুত সমগ্ৰ অঞ্চলটোতে শোকৰ ছাঁ পৰিছে।
