ডিজিটেল সংবাদ, কাজিৰঙাঃ আত্মবিশ্বাস আৰু মানসিক দৃঢ়তা থাকিলে এগৰাকী মহিলাই পুৰুষৰ দৰেই সকলো কামতে আগবাঢ়ি যাব পাৰে ৷ ঘৰৰ চাৰিবেৰৰ মাজত সোমাই নাথাকি নিজস্বভাৱে মহিলাসকল সকলো কামতে আগবাঢ়ি আহিলে প্ৰকাশ্য হ’ব মহিলাৰ স্বাধীনতা ৷
এই উদ্দেশ্যেৰে নিজে গাড়ী চলাই উত্তৰ পূৰ্বাঞ্চল ভ্ৰমণৰত নাগালেণ্ড, মনিপুৰ, অৰুণাচলকে ধৰি দেশৰ আঠখন ৰাজ্যৰ মহিলাই নিজে গাড়ী চলাই উপস্থিত হ’ল কাজিৰঙাত। উদ্দেশ্য উত্তৰ পূৰ্বাঞ্চলৰ সুন্দৰ প্ৰকৃতিক বিশ্বদৰবাৰত প্ৰতিষ্ঠা কৰা ৷
নমস্তে ফাউণ্ডেচনৰ উদ্যোগত আয়োজিত এই বিশেষ ভ্ৰমণৰ অন্যতম অংশ হিচাবে শনিবাৰে পুৱাই কাজিৰঙাৰ কহঁৰা বনাঞ্চলত জীপ ছাফাৰী কৰে ৪৮ গৰাকী মহিলাই ৷ দলটোক সংগ দিয়ে কাজিৰঙা ৰাষ্ট্ৰীয় উদ্যান আৰু ব্যাঘ্ৰ সংৰক্ষিত বনাঞ্চলৰ ক্ষেত্ৰ সঞ্চালিকা সোণালী ঘোষে ৷
