গোলাঘাটত বৃদ্ধাক ছুৰীৰে আক্ৰমণ কৰি চোৰে লুটি নিলে নগদ ১ লাখ টকা...

ডিজিটেল ডেস্কঃ গোলাঘাটৰ চাউদাং পথাৰত সংঘটিত হৈছে এক নৃশংস ঘটনা। চোৰ কৰিবলৈ আহি এগৰাকী বৃদ্ধাক ছুৰীকাঘাত কৰিলে চোৰে।

জানিব পৰা মতে চাউদাং পথাৰৰ নিৰুমাই গগৈৰ বাসগৃহত চোৰ কৰিবলৈ আহিছিল স্থানীয় পাকুল বৰা নামৰ এটা চোৰ। পূৰ্বেও বিভিন্ন চুৰিকাণ্ডৰ সৈতে জড়িত পাকুল বৰাই নিশা চোৰ কৰিবলৈ আহি বাসগৃহত অকলে থকাৰ সময়তে নিৰুমাই গগৈক ছুৰীৰে আক্ৰমণ কৰে।

ইয়াৰ পাছত লুটি নিলে নগদ ১ লাখকৈ টকা। সৌভাগ্যক্ৰমে নিৰুমাই গগৈ নামৰ মহিলাগৰাকী ৰক্ষা পৰে যদিও গুৰুতৰভাৱে আহত হৈছে। আহত গগৈক চিকিৎসালয়ত ভৰ্তি কৰোৱা হৈছে।

Also Read: ৰাজ্য চৰকাৰে আজি প্ৰদান কৰিব আনন্দৰাম বৰুৱা বঁটা...