২৭ টা মৃত পক্ষীসহ দুজনক কৰায়ত্ব

ডিজিটেল সংবাদ, গোলাঘাটঃ গোলাঘাট জিলাৰ সৰুপথাৰ বিধানসভা সমষ্টিৰ অন্তৰ্গত চুঙাজানৰ শল’গুৰিত ২৭ টা মৃত চৰাইসহ দুজন নগালোকক আৰক্ষীয়ে ধৰি নাওঁজান খণ্ড বনবিভাগক চমজাই দিয়ে ৷ জানিব পৰা মতে শনিবাৰে নিশা প্ৰায় দুই বজাত চুঙাজানৰ শ’লগুৰিৰ গাঁওৰক্ষী বাহিনীয়ে ডিমাপুৰ অভিমুখী NL 07 C 5758 নমবৰৰ গাড়ীখন সন্দেহবসত ৰখোৱাত গাড়ীৰ ভিতৰৰ চিটত ভাটৌ, কপৌ,বুলবুলি আদি বিভিন্ন প্ৰজাতিৰ ২৭ টা মৃত চৰাই প্ৰত্যক্ষ কৰে ৷

গাড়ীখনৰ দুই আৰোহী ক্ৰমে ইট’কা অ’চমা (Itoka Assumi) আৰু অবেক’ জ’ন’ (Obeka Jino) ক চৰাই সহ চুঙাজান আৰক্ষীক গতাই দিয়াৰ পিছত আৰক্ষীয়ে নাওজানস্থিত বনবিভাগক চমজাই দিয়ে ৷ বৰ্তমান দুই অভিযুক্তৰ ওপৰত বনবিভাগে এক গোচৰ ৰুজু কৰি জেৰা চলাই আছে ৷ আনহাতে মৃত চৰাইবোৰো মৰণোত্তৰ পৰীক্ষা সম্পন্ন কৰা হৈছে বুলি বন বিভাগৰ সূত্ৰে জানিব পৰা গৈছে ৷

Also Read: পাগলদিয়া নৈত গা ধুবলৈ গৈ সলিল সমাধি লোকশিল্পীৰ