ৰাষ্ট্ৰীয় ক্ৰীড়া প্ৰতিযোগিতাৰ বাবে গুজৰাটলৈ ৰাওনা অসমৰ লন বলৰ দল...

ডিজিটেল ডেস্ক : অহা ২৯ ছেপ্টেম্বৰৰ পৰা গুজৰাটত অনুষ্ঠিত হ'ব ৰাষ্ট্ৰীয় ক্ৰীড়া প্ৰতিযোগিতা ২০২২। ইতিমধ্যে সম্পূৰ্ণ হৈ উঠিছে ৰাষ্ট্ৰীয় ক্ৰীড়া প্ৰতিযোগিতাৰ প্ৰস্তুতি। ২৯ ছেপ্টেম্বৰৰ পৰা ১৪ দিনীয়াকৈ অনুষ্ঠিত হ'ব এই ক্ৰীড়া প্ৰতিযোগিতা।

ৰাষ্ট্ৰীয় ক্ৰীড়া প্ৰতিযোগিতাত অংশগ্ৰহণৰ বাবে ইতিমধ্যে গুজৰাটত উপস্থিত হৈছে অসমৰ লন বলৰ দল। অসমৰ পৰা যোৱা লন বল দলটোত আছে কমনৱেলথ গেমছত স্বৰ্ণ জয় কৰা নয়নমণি শইকীয়া।

অসমৰ পৰা লন বল দলটোৱে দেওবাৰে ৰাষ্ট্ৰীয় ক্ৰীড়া প্ৰতিযোগিতাৰ বাবে গুজৰাট অভিমুখে ৰাওনা হৈছে। অসমৰ পৰা আন বহুকেইজন খেলুৱৈয়ে ভাগ ল'ব ৰাষ্ট্ৰীয় ক্ৰীড়া প্ৰতিযোগিতাত।