চিৰাঙৰ মোজাবাৰীত ঈদৰ সমূহীয়া নামাজত অংশগ্ৰহণ প্ৰাক্তন বিটিচি প্ৰধান হাগ্ৰামা মহিলাৰীৰ

ডিজিটেল সংবাদ, চিৰাং : সমগ্ৰ বিশ্বৰ লগতে ভাৰত তথা অসমতো ইছলাম ধৰ্মাৱলম্বী লোক সকলে পবিত্ৰ ৰমজান মাহৰ ২৯ টা ৰোজা পালন কৰাৰ অন্তত আজি পবিত্ৰ ঈদুল ফিতৰ সমূহীয়া নামাজত অংশগ্ৰহণ কৰে । চিৰাং জিলাৰ অন্যান্য প্ৰান্তৰ লগতে আজি মোজাবাৰীতো ঈদুল-ফিতৰৰ সমূহীয়া নামাজ সম্পন্ন হয় ৷

মোজাবাৰী জামে মসজিদ প্ৰাঙ্গণত ঈদুল-ফিতৰৰ সমূহীয়া নামাজত প্ৰাক্তন বিটিচি তথা বিপিএফ দলৰ সভাপতি প্ৰধান হাগ্ৰামা মহিলাৰী অংশগ্ৰহণ কৰি নামাজ আদা কৰে । ঈদৰ সমূহীয়া নামাজত অংশগ্ৰহণ কৰি হাগ্ৰামা মহিলাৰীয়ে কয় যে মই নিজে বাথৌ ধৰ্মৰ হলেও সকলো ধৰ্মকে সন্মান কৰো ।

আজি ইছলাম ধৰ্মাৱলম্বী লোক সকলৰ পবিত্ৰ ঈদৰ দিনা একেলগে নামাজত অংশগ্ৰহণ কৰি মনটো ভাল লাগিছে । অকল মুছলমান সকলৰ ঈদ বুলি নহয় খ্ৰীষ্টান সকলৰ গীৰ্জা, হিন্দু ধৰ্মৰ মন্দিৰত গৈ মই প্ৰাৰ্থনা কৰো লগতে বৌদ্ধ, জৈন ধৰ্মক সন্মান কৰি আহিছো আৰু আগলৈ কৰি যাম বুলি উল্লেখ কৰে ।

আজি হাগ্ৰামা মহিলাৰীৰ লগত বিটিচিৰ প্ৰাক্তন অধ্যক্ষ তথা পাৰিষদ পানীৰাম ব্ৰহ্ম সহ অন্যান্য নেতা কৰ্মী সকলে অংশগ্ৰহণ কৰে ।

Also Read: কংগ্ৰেছ দলৰ পৰা বহিষ্কাৰ অংকিতা দত্তক...