৩০ গৰাকী প্ৰাৰ্থীৰ মুখত বিৰিঙিল সন্তুষ্টিৰ হাঁহি...

ডিজিটেল সংবাদ লামডিংঃ আনুষ্ঠানিকভাৱে লামডিং ৰে'ল বিভাগে ৩০ গৰাকীকৈ প্ৰাৰ্থীক অনুকম্পামূলক নিযুক্তি ( Compassionate Ground) প্ৰদান কৰিলে।বৃহস্পতিবাৰে সন্ধিয়া লামডিং ৰে'লৱে ইনষ্টিটিউটত লামডিং ৰে'লৱেয়ে অনুষ্ঠিত কৰে অনুকম্পামূলক নিযুক্তি প্ৰদানৰ অনুষ্ঠান।

উক্ত অনুষ্ঠানত লামডিং ৰে'লৱে মণ্ডলৰ মাণ্ডলিক প্ৰবন্ধক প্ৰেম ৰঞ্জন কুমাৰ আৰু জ্যেষ্ঠ ৰে'ল কৰ্মী প্ৰবন্ধক সিদ্ধাৰ্থ কুমাৰৰ উপস্থিতত ৰে'লৱে অধীনত মুঠ ৬ টা বিভগৰ বিভিন্ন পদত যুৱক-যুৱতী আৰু মহিলাসহ ৩০ গৰাকীক অনুকম্পামূলক নিযুক্তি পত্ৰ প্ৰদান কৰে।

এই অনুষ্ঠানত লামডিং ৰে'লৱে মণ্ডলৰ কেইবাজনো শীৰ্ষ বিষয়া উপস্থিত থাকে। চুবুৰীয়া ৰাজ্য ত্ৰিপুৰা, বৰাক উপত্যকাৰ লগতে ব্ৰহ্মপুত্ৰ উপত্যকাৰ বিভিন্ন অঞ্চলৰ পৰা অহা প্ৰাৰ্থীসকলে এই অনুষ্ঠানত নিযুক্তি পত্ৰ গ্ৰহণ কৰাৰ লগতে ৰে'লৱে বিভাগৰ আৰু লামডিঙৰ মাণ্ডলিক প্ৰৱন্ধকগৰাকীক ধন্যবাদ জ্ঞাপন কৰে।

Also Read: ধুবুৰী জিলাৰ খচৰা ভোটাৰ তালিকা প্ৰকাশ...