হোজাই আৰু শিলডুবি সংযোগী পথত অচিনাক্ত মৃতদেহ উদ্ধাৰ

ডিজিটেল ডেস্কঃ শুকুৰবাৰে পুৱা হোজাই আৰু শিলডুবি সংযোগী পথত উদ্ধাৰ হৈছে এটা অচিনাক্ত মৃতদেহ। বিডিং বস্তিৰ হাৱাইপুৰ বনাঞ্চলত উদ্ধাৰ কৰা হয় মৃতদেহটো। স্থানীয় ৰাইজে পুৱা প্রত্যক্ষ কৰে অচিনাক্ত মৃতদেহটো।

প্ৰাপ্ত তথ্য অনুসৰি এই পৰ্যন্ত মৃতদহটো চিনাক্ত হোৱা নাই। প্ৰত্যক্ষদৰ্শীয়ে কোনো দুৰ্বৃত্তই হত্যা কৰি মৃতদেহটো পেলাই থৈ যোৱাৰ সন্দেহ প্ৰকাশ কৰিছে।

উল্লেখ্য যে, মৃতদেহৰ ওচৰত উদ্ধাৰ হৈছে এটা চিৰিঞ্জ আৰু এটা খালী কণ্টেইনাৰ। ইতিমধ্যে আৰক্ষী ঘটনাস্থলীত উপস্থিত হৈ তদন্ত আৰম্ভ কৰিছে। বৰ্তমানেও সমগ্র ঘটনা ৰহস্যৰ আৱৰ্তত আছে।

Also Read: এ পি এচ চি কেলেংকাৰীত জড়িত ৪ ৰাজপত্রিত বিষয়াক নিলম্বন