![লামডিঙত IPL জুৱাৰী আটক](http://media.assettype.com/asomiyapratidin%2F2024-05%2F01973a47-c833-4605-89dc-910243837ae8%2F6.jpg?w=480&auto=format%2Ccompress&fit=max)
ডিজিটেল সংবাদ,লামডিংঃ জুৱাৰ ৰমৰমীয়া বেহাই ছানি ধৰিছে লামডিংৰ একাংশ যুৱ প্ৰজন্মক।সেয়ে IPL জুৱাৰীৰ বিৰুদ্ধে সৰব হৈ পৰিছে হোজাই আৰক্ষী।শুকুৰবাৰে নিশা লামডিঙত হোজাইৰ উপ-আৰক্ষী অধীক্ষক সীমান্ত শর্মাৰ নেতৃত্বত এটা দলে অভিযান চলাই এজন যুৱকক আটক কৰে।
আটকাধিন যুৱকজন লামডিঙৰ কুখ্যাত জোৱাৰী সুপ্রিত সিং বেদি ওৰফে প্ৰিঞ্চ।মোবাইল এপৰ জৰিয়তে ঘৰত বহি IPL ৰ জুৱাৰ বেহা চলাই থকা অৱস্থাত আৰক্ষীয়ে সুপ্রিতক আটক কৰে।
জানিব পৰা মতে প্ৰিঞ্চক আটক কৰা পাছত বহু জোৱাৰীৰ বিৰুদ্ধে তথ্য লাভ কৰিছে আৰক্ষীয়ে। বৰ্তমান প্ৰিন্সৰ বিৰুদ্ধে ৫১/২৪ নং ধাৰাত গোচৰ ৰুজু কৰি আদালতলৈ প্ৰেৰণ কৰিছে।