লামডিঙত চাঞ্চল্যকৰ ঘটনাঃ পত্নীক হত্যাৰ অপচেষ্টা বহিঃৰাজ্যৰ স্বামীৰ...

ডিজিটেল সংবাদ লামডিংঃ ৰে'লনগৰী লামডিঙত এজন স্বামীয়ে পত্নীক হত্যাৰ অপচেষ্টা চলোৱা ঘটনাই চাঞ্চল্যৰ সৃষ্টি কৰিছে। লামডিঙৰ একাউণ্টছ কলনীত সংঘটিত হৈছে এই জঘন্য ঘটনা।

জানিব পৰামতে লামডিং ৰে'লৱে হাস্পতালৰ কৰ্মচাৰী মীনা যাদৱৰ কন্যা ৰাণী কুমাৰী যাদৱৰ সৈতে ছমাহৰ পূৰ্বে উত্তৰপ্ৰদেশৰ বাৰানসীৰ নিবাসী অনুৰাগ যাদৱ বিবাহপাশত আৱদ্ধ হৈছিল ৷

কিছুদিনৰ পূৰ্বে তেওঁ লামডিঙস্থিত মাতৃৰ ঘৰলৈ ফুৰিবলৈ আহিছিল জীয়ৰী ৰাণী কুমাৰী আৰু জোৱাই অনুৰাগ যাদৱ ৷ সোমবাৰে মাতৃ কৰ্মস্থলীলৈ যোৱাৰ পিছতেই ঘৰত কোনো নথকাৰ সুযোগ লৈ স্বামী অনুৰাগে পত্নীক চোকা ছুৰীৰে ডিঙিত ৰেপি ঘটনাস্থলীৰ পৰা পলায়ন কৰে।

বৰ্তমান ৰাণী কুমাৰী যাদৱ লামডিং ৰে'লৱে চিকিৎসালয়ত অতি সংকটজনক অৱস্থাত চিকিৎসাধীন হৈ আছে।ঘটনা সম্পৰ্কত লামডিং আৰক্ষীয়ে তদন্ত অব্যাহত ৰাখিছে।

Also Read: নিশাৰ মহানগৰীত হাহাকাৰ পৰিৱেশঃ বোকা-পানীৰ মাজত আৱদ্ধ ৰাজপথৰ বাহন...