লামডিঙত জ্যেষ্ঠ কংগ্ৰেছ নেত্ৰীৰ ঘৰত ডকাইটিঃ লৈ গ'ল অনুজ্ঞা পত্ৰ থকা পিষ্টল

ডিজিটেল সংবাদ, লামডিংঃ লামডিঙত নিশা ভয়ংকৰ ঘটনা ৷ অসম বিধানসভাৰ প্ৰাক্তন অধ্যক্ষ প্ৰয়াত দেৱেশ চক্রৱৰ্তীৰ ঘৰত ডকাইতি কাণ্ড । ঘটনাত গুৰুতৰভাবে আহত হয় কংগ্ৰেছ নেত্ৰী তথা দেৱেশ চক্রৱৰ্তীৰ পত্নী মায়া চক্রৱৰ্তী।

ঘটনা অনুসৰি মঙলবাৰৰ পুৱতি নিশা লামডিঙ লংকা ৰোডস্থিত অসম বিধানসভাৰ প্ৰাক্তন অধ্যক্ষ প্ৰয়াত দেৱেশ চক্রৱৰ্তীৰ ঘৰত তিনি-চাৰিজনীয়া এটা ডকাইতৰ দলে হাতত চোকা অস্ত্ৰ লৈ ঘৰত প্ৰৱেশ কৰে ৷ ডকাইতৰ দলটোৱে প্ৰাক্তন অধ্যক্ষগৰাকীৰ পত্নী তথা কংগ্ৰেছৰ জ্যেষ্ঠ নেত্ৰী মায়া চক্রৱৰ্তীৰ মুখত সোপা মাৰি পৰিধান কৰা সোণৰ অলংকাৰ আঁজোৰি নিয়ে৷

তদুপৰি ঘৰত থকা নগদ ধন লক্ষাধিক টকাৰ সোণৰ আ-অলংকাৰৰ সহ মায়া চক্রৱৰ্তীৰ অনুজ্ঞা পত্ৰ থকা পিষ্টলও লৈ উধাও হয় ডকাইতৰ দলটো। ঘটনা সংঘটিত হোৱাৰ সময়ত কংগ্ৰেছৰ নেত্ৰীগৰাকী গুৰুতৰভাবে আহত হয় ৷ উল্লেখ্য ঘটনাস্থলীত পুৱতি নিশাই লামডিং আৰক্ষী উপস্থিত হৈ চিকিৎসালয় নিয়ে মায়া চক্ৰৱৰ্তীক৷ সমগ্ৰ ঘটনাৰ সন্দৰ্ভত তদন্ত অব্যাহত ৰাখিছে লামডিং আৰক্ষীয়ে ৷

Also Read: জাগীৰোড ৰে'লৱে আৰক্ষীৰ বিৰুদ্ধে মহিলা হোমগাৰ্ডক নিৰ্যাতনৰ অভিযোগ