লামডিং আঞ্চলিক বন বিভাগৰ জালত চোৰাং চিকাৰী

ডিজিটেল সংবাদ, লামডিংঃ লামডিং সংৰক্ষিত বনাঞ্চলৰ পৰা হস্ত নিৰ্মিত দুটা বন্দুকসহ দুজন চোৰাং চিকাৰীক গ্ৰেপ্তাৰ ৷ লামডিং আঞ্চলিক বন বিভাগে গ্ৰেপ্তাৰ কৰে চোৰাং চিকাৰী দুজনক ৷ বন বিভাগৰ এটি তহলদাৰী দলে প্ৰতিদিনৰ দৰে লামডিং সংৰক্ষিত বনাঞ্চলত নিয়মীয়া তালাচী চলোৱাৰ সময়ত বন্দুক তথা দুটা গুলীসহ জব্দ কৰি চিকাৰী কেইজনক গ্ৰেপ্তাৰ কৰে ৷

উল্লেখ্য বনাঞ্চলখনৰ লালপাহাৰৰ পৰা বনৰীয়া জন্তু চিকাৰ কৰিবলৈ খাপ পিটি থাকোতে আটক কৰা হয় চিকাৰী কেইজনক ৷ গ্ৰেপ্তাৰ হোৱা চিকাৰী দুইজন লামডিং মুড়াবস্তিৰ নিৱাসী সনতোশ গোৱালা আৰু ৰাঘোৱ ঘোৰ বুলি জানিব দিয়ে ৷ ইতিমধ্যে বনকৰ্মীয়ে চিকাৰী দুইজনৰ সোধা-পোচ কৰিছে।

এই ঘটনাৰে আৰু ব্যক্তি জড়িত থকাৰ সন্দেহ প্ৰকাশ কৰি তদন্ত অব্যাহত ৰাখিছে আৰক্ষীয়ে ৷ ইপিনে লামডিং আঞ্চলিক বন বিভাগে Wildlife Animal Actৰ অধীনত গোচৰ ৰুজু কৰি আদালতলৈ প্ৰেৰণ কৰিছে দুয়োজন অভিযুক্তক৷

Also Read: মহানগৰীত প্ৰাগজ্যোতিষপুৰ সাহিত্য উৎসৱৰ আৰম্ভণি অনুষ্ঠান