ৰে'লৱেৰ চোৰাং লোহা সৰবৰাহ কৰা দুজনক আটকঃ বাহনসহ চোৰাং সামগ্ৰী জব্দ...

ডিজিটেল সংবাদ লামডিংঃ অবৈধ সৰবৰাহ, চোৰাং সামগ্ৰীৰ সৰবৰাহৰ ঘাটিলৈ ৰূপান্তৰ হোৱা লামডিঙত পুনৰ চোৰাং সামগ্ৰী সৰবৰাহৰ সৈতে জড়িত দুজনক আটক কৰিছে আৰক্ষীয়ে। মঙ্গলবাৰে লামডিঙত ৰে'লৱেৰ চোৱাং লোহা সৰবৰাহৰ অপৰাধত আৰ পি এফৰ চি আই বি দলে আজিবুৰ ৰহমান আৰু ফজৰ আলি নামৰ দুটা চোৰাং লোহা সৰবৰাহকাৰীক আটক কৰিছে। জানিব পৰা মতে এই দুই সৰবৰাহকাৰীক কাৰ্বি আংলং জিলাৰ বৰলংফাৰৰ পৰা আটক কৰিছে চি আই বিয়ে।

উল্লেখ্য যে মাত্ৰ এটা সপ্তাহ পূৰ্বে ৰে'লৱেৰ চোৰাং লোহা সৰবৰাহ কৰাৰ অপৰাধত ৪ জনক আটক কৰি পৰৱৰ্তী সময়ত কাৰাগাৰলৈ প্ৰেৰণ কৰিছিল আৰক্ষীয়ে। আজিও আৰ পি এফে পুনৰ দুজনক আটক কৰাত লামডিঙত দীৰ্ঘদিন ধৰি চলি থকা এই চোৰাং সৰবৰাহৰ দিশটোকে উন্মোচিত কৰিছে।

আটকাধীন দুই সৰবৰাহকাৰীৰ পৰা আৰক্ষীয়ে এ এছ ৩১ চি ১১৯২ নম্বৰৰ এখন টাটা এ চি ই বাহন চোৰাং লোহা সহ জব্দ কৰিছে। ধৃত দুই চোৰাং সৰবৰাহাকী আজিবুৰ আৰু ফজৰৰ ঘৰ হোজাই জিলাৰ যমুনামুখত বুলি জানিব পৰা গৈছে।

দুই চোৰাং লোহা সৰবৰাহীৰ বিৰুদ্ধে ৰে'লৱে সুৰক্ষা বানিহীনে ০৬/২০২৪ নম্বৰত ৰে'লৱে আইনৰ এক ইউ এছ ৩(এ) আৰ পি (উই পি) ৰ অধীনত এক গোচৰ পঞ্জীয়ন কৰি তদন্ত আৰম্ভ কৰিছে।

Also Read: ধেমাজিত প্ৰাক প্ৰাথমিক শিশুৰ যতন আৰু শিক্ষা শীর্ষক সমল ব্যক্তিৰ প্ৰশিক্ষণৰ সামৰণি...