লামডিং আৰক্ষীৰ অভিযানত ড্ৰাগছসহ দুজন সৰবৰাহকাৰীক আটক...

ডিজিটেল সংবাদ লামডিংঃ লামডিং আৰক্ষীয়ে অব্যাহত ৰাখিছে ড্ৰাগছৰ বিৰুদ্ধে অভিযান ৷ লামডিঙ থানাৰ ভাৰপ্ৰাপ্ত আৰক্ষী বিষয়া চন্দন জ্যোতি বৰা নেতৃত্বত ৷

এক গোপন সূত্ৰৰ পম খেদি লামডিং ছাউথ হিলছ কলনি অঞ্চলৰ পৰা ড্ৰাগছসহ হাতে-লুটে দুজন যুৱকক আটক কৰে আৰক্ষীয়ে। আটকাধীন যুৱক দুজন চাউথ হিলছ কলনিৰ বাসিন্দা নীলু ৰাজ আৰু বাবু পট্টি অঞ্চলৰ বাসিন্দা ৰাজু বিশ্বাস বুলি জানিব পৰা গৈছে।

লামডিং আৰক্ষীয়ে জানিব দিয়া অনুসৰি এই যুৱক দুজনে বহু দিন ধৰি লামডিঙৰ বিভিন্ন অঞ্চলত ড্ৰাগছৰ ব্যৱসায় কৰি আহিছিল। লামডিং আৰক্ষীয়ে যুৱক দুজনৰ পৰা প্ৰায় ১৪ গ্ৰাম হেৰইন জব্দ কৰিবলৈ সক্ষম হয় আৰু লগতে ১৪ টা প্লাষ্টিকৰ কন্টেইনাৰ জব্দ কৰে ৷

ইয়াৰোপৰি লামডিং আৰক্ষীয়ে চলিত বৰ্ষত ড্ৰাগছৰ লগত জড়িত NDPS এক্টৰ অধীনত ৪৬ জনক আটক কৰি জে'ললৈ প্ৰেৰণ কৰিবলৈও সক্ষম হৈছে ৷

Also Read: জীয়াঢলৰ মথাউৰি পৰিদৰ্শন উপায়ুক্তৰঃ শীঘ্ৰেই নিৰ্মাণ সম্পূৰ্ণ কৰা নিৰ্দেশ...