ইম্ফলত মন্ত্ৰী ৰাজনাথ সিং, ডুৰাণ্ড কাপৰ উদ্বোধনী অনুষ্ঠানত ভাগ ল’ব মন্ত্ৰীগৰাকীয়ে…

ডিজিটেল ডেস্ক : ইম্ফলত উপস্থিত ভাৰতৰ প্ৰতিৰক্ষা মন্ত্ৰী ৰাজনাথ সিং। লগতে সেনা প্ৰধান জেনেৰেল মনোজ পাণ্ডে। মণিপুৰৰ মুখ্যমন্ত্ৰী এন বীৰেন সিঙে মন্ত্ৰী ৰাজনাথ সিং আৰু সেনা প্ৰধান জেনেৰেল মনোজ পাণ্ডেক আদৰণী জনায়। প্ৰতিৰক্ষা মন্ত্ৰীগৰাকীয়ে ইম্ফলত হ'বলগা ডুৰাণ্ড কাপ-২০২২ৰ উদ্বোধনী অনুষ্ঠানত অংশগ্ৰহণ কৰিব।

উল্লেখ্য যে এছিয়াৰ আটাইতকৈ পুৰণি ফুটবল প্ৰতিযোগিতা ডুৰাণ্ড কাপৰ ১৩১ তম সংস্কৰণ ১৬ আগষ্টত কলকাতাৰ বিবেকানন্দ যুৱ ভাৰতী ক্ৰীড়াঙ্গনত শুভাৰম্ভ কৰা হয়। বৃহস্পতিবাৰে অৰ্থাত ১৮ আগষ্টত ইম্ফলত অনুষ্ঠিত হব। সন্ধিয়া ৬ বজাত আৰম্ভ হ'ব উদ্বোধনী অনুষ্ঠান।

আনহাতে, ইয়াৰ পূৰ্বে যোৱা ১৭ আগষ্টত গুৱাহাটীৰ সৰুসজাই ষ্টেডিয়ামত অনুষ্ঠিত হৈছিল ডুৰাণ্ড কাপ-২২ৰ দ্বিতীয়খন খেল।

আৰু পঢ়ক : ভিয়েটনামৰ আন্তঃৰাষ্ট্ৰীয় জুনিয়ৰ টাইকোৱাণ্ড চেম্পিয়নশ্বিপলৈ অসমৰ ৪ খেলুৱৈ…