৫ হাজাৰ বন্তিৰ পোহৰেৰে জিলিকি উঠিল জামুগুৰিহাটৰ ভাওনাস্থলী

ডিজিটেল সংবাদ, জামুগুৰিহাটঃ শোণিতপুৰ জিলাৰ জামুগুৰিহাটৰ গৌৰৱোজ্বল ২২৬ বছৰীয়া ইতিহাসেৰে সমৃদ্ধ বাৰেচহৰীয়া ভাওনা মহোৎসৱৰ ৰবিবাৰে ধৰ্মধ্বজা উত্তোলন কৰে।

ইয়াৰ পাছতেই সন্ধিয়া ৫ হাজাৰ বন্তি প্ৰজ্বলনৰে জিলিকাই তোলা হয় ৫০ বিঘা মাটিৰে আগুৰা ভাওনাস্থলী পকামুৰা পথাৰ ৷ সন্ধ্যা উদযাপন সমিতিৰ সভাপতি তথা বিধায়ক পদ্ম হাজৰিকাই বন্তি প্ৰজ্বলনৰ কাৰ্যসুচীৰ শুভাৰম্ভ কৰাৰ পাছতেই জামুগুৰিয়া ৰাইজে সমগ্ৰ ভাওনাস্থলী পকামুৰা পথাৰ পোহৰেৰে জিলিকাই তুলি ভাঁওনাৰ প্ৰথম কাৰ্যসুচীৰ শুভাৰম্ভ কৰে৷

ইয়াৰোপৰি প্ৰতিখন গাঁৱৰ প্ৰতিঘৰ গৃহস্থিয়ে পদুলীয়ে পদুলীয়ে এগচিকৈ বন্তি জ্বলাইও পোহৰাই তোলে প্ৰত্যেকৰে পদুলিমুখ ৷ উল্লেখ্য যে এমাহৰ পিছতেই অৰ্থাৎ মাৰ্চ মাহৰ ৬,৭,৮ আৰু ৯ তাৰিখে ভাৰতৰ একক বৃহৎ সাংস্কৃতিক অনুষ্ঠান জামুগুৰিহাটৰ বাৰেচহৰীয়া ভাঁওনা মহোৎসৱ অনুষ্ঠিত হ’ব ৷

আৰু পঢ়ক: নগাঁৱৰ অসামৰিক চিকিৎসালয়ৰ সমীপত উদ্ধাৰ অচিনাক্ত মৃতদেহ...