যোৰহাটত গুলীচালনাৰ ঘটনা, আটক প্ৰাক্তন প্ৰেমিকাসহ আন এজন...

ডিজিটেল ডেস্কঃ যোৰহাটৰ লিচুবাৰীত বুধবাৰে সংঘটিত হয় গুলীচালনাৰ ঘটনা। এখন চাহ বাগিচাত সংঘটিত হৈছে এই ঘটনা। দুৰ্বৃত্তৰ গুলীত গুৰুতৰভাৱে আহত হয় এজন যুৱক।

আহত যুৱকজন যোৰহাট গড়মূৰৰ বসন্ত দাস বুলি জানিব পৰা গৈছে। আহত বসন্ত দাসক উন্নত চিকিৎ‍সাৰ বাবে গুৱাহাটীলৈ প্রেৰণ কৰা হয়।

এখন ৱেগনআৰ বাহনত আহিছিল বসন্ত দাস। অভিযোগ অনুসৰি বসন্ত দাস ড্রাগছৰ ব্যৱসায়ত জড়িত আছে। পূৰ্বে কেইবাটাও অভিযোগত জেললৈ গৈছিল বসন্ত দাস।

ইয়াৰ পাছতে যোৰহাটৰ গুলীচালনাৰে জড়িতৰ সন্দেহত দুজনক আটক কৰে আৰক্ষীয়ে। জিম্পল গগৈ আৰু মনালিছা নামৰ দুজনক আটক কৰিছে আৰক্ষীয়ে।

জানিব পৰা মতে মনালিছাৰ সৈতে পূৰ্বে প্রেমৰ সম্পৰ্ক আছিল বসন্ত দাসৰ। প্রেম আৰু ড্রাগছৰ বাবেই ঘটনা সংঘটিত হোৱা বুলি সন্দেহ কৰা হৈছে। জিম্পল গগৈ আৰু মনালিছাই পৰিকল্পিতভাৱে ঘটনা সংঘটিত কৰাৰ সন্দেহ আৰক্ষীৰ। ঘটনা সন্দৰ্ভত তদন্ত অব্যাহত।

Also Read: ভাৰতৰ ম'ষ্ট ৱাণ্টেড শ্বাহীদ লটিফক পাকিস্তানত গুলীয়াই হত্যা অচিনাক্ত দুৰ্বৃত্তৰ