মেৰাপানীত চোৰাং চুপাৰি জব্দঃ ট্ৰাক এৰি পলায়ন চালক, পৰিচালকৰ...

ডিজিটেল সংবাদ মেৰাপানীঃ মেৰাপানীত ১৭ বস্তা চুপাৰিসহ এখন ট্ৰাক জব্দ কৰিছে আৰক্ষীয়ে। জানিব পৰা মতে গোপন সূত্ৰৰ পম খেদি মেৰাপানী আৰক্ষীয়ে তৰানি অঞ্চলত জব্দ কৰে চুপাৰিসহ ট্ৰাকখন।

অৱশ্যে আৰক্ষীয়ে চুপাৰিখিনি চুৰি কাৰ্যৰ সৈতে জড়িত কোনো এজনকে আটক কৰিবলৈ সক্ষম নহয়। আৰক্ষী অহাৰ উমান পাই এন্ধাৰৰ সুযোগ লপৈ পলায়ন কৰে ট্ৰাকখনৰ চালক আৰু পৰিচালক।

আৰক্ষীয়ে সূত্ৰে জানিব পৰা অনুসৰি এই চুপাৰিখিনি নাগালেণ্ডৰ পৰা যোৰহাটৰ দিশে অবৈধভাৱে কঢ়িয়াই অনা হৈছিল। আৰক্ষীয়ে জব্দ কৰা ট্ৰাকখনৰ পঞ্জীয়ন নম্বৰ AS 01 MC 7096।

সম্প্ৰতী মেৰাপানী আৰক্ষীয়ে চুপাৰি সৰবৰাহত জড়িত মূল অভিযুক্তৰ সন্ধানত অভিযান আৰম্ভ কৰিছে।

Also Read: মৌডংগা হাইস্কুলত ৭ কোটি টকীয়া প্ৰকল্পৰ আধাশিলা স্থাপন বিধায়ক ছিৰাজুদ্দিন আজমলৰ...