ডকমকাত অসম গণ পৰিষদৰ সাংগঠনিক সভা...

ডিজিটেল সংবাদ, হাওৰাঘাটঃ কাৰ্বি আংলং জিলাৰ ডকমকাত বৃহস্পতিবাৰে অসম গণ পৰিষদৰ এখন সাংগঠনিক সভা অনুষ্ঠিত হয় । অসম গণ পৰিষদৰ কেন্দ্ৰীয় সমিতিৰ সম্পাদক চন্দ্ৰ ছিং ইংতিৰ সভাপতিত্বত সাংগঠনিক সভাখন অনুষ্ঠিত হয় । সভাৰ উদ্দেশ্য ব্যাখ্যা কৰে অসম গণ পৰিষদৰ হাওৰাঘাট বিধান পৰিষদৰ সম্পাদক মোহিত হাজৰিকাই ।

সভাত পৰ্যবেক্ষক হিচাপে উপস্থিত থাকি ভাষণ দিয়ে অসম গণ পৰিষদৰ কেন্দ্ৰীয় কাৰ্যনিৰ্বাহ সদস্যদ্বয় ক্ৰমে আচিকুৰ ৰহমান আৰু জিতু বৰগোহাঞি । সভাত অসম গণ পৰিষদৰ কেন্দ্ৰীয় কাৰ্যনিৰ্বাহ সদস্য অংশুমান দত্ত আৰু ভাতৃ সংগঠন অসম যুৱ পৰিষদৰ উপ-সভাপতি পিজু ডেকা, অসম গণ পৰিষদৰ গোলাঘাট জিলা সমিতিৰ সম্পাদক উদিপ্ত দত্তৰ লগতে হাওৰাঘাট, নমাটি, মহামায়া, কৰকান্টি আৰু চচেং ধেন্টা পৰিষদীয় সমষ্টিৰ অসম গণ পৰিষদৰ বহু কৰ্মী উপস্থিত থাকে ।

উক্ত সভাতে বীৰেণ টেৰাঙক সভাপতি আৰু মোহিত হাজৰিকাক সম্পাদক হিচাপে লৈ মুঠ ৩১ জনীয়া অসম গণ পৰিষদৰ হাওৰাঘাট বিধান পৰিষদৰক নতুনকৈ গঠন কৰা হয় । উল্লেখ্য যে কাৰ্বি আংলঙৰ ডকমকাত অসম গণ পৰিষদৰ সাংগঠনিক সভাৰ যোগেদি অসম গণ পৰিষদ দলটো কাৰ্বি পাহাৰত নতুনকৈ শক্তিশালী ৰূপত উত্থান হোৱা পৰিলক্ষিত হৈছে ।

Also Read: ধেমাজিত আয়ুষ্মান কাৰ্ড বিতৰণৰ শুভাৰম্ভণি...