বোকাজানত বৰপথাৰ আৰক্ষীৰ তালাচীত জব্দ বুজন পৰিমাণৰ ইউৰীয়া সাৰ

ডিজিটেল সংবাদ, বোকাজানঃ বোকাজানত বৰপথাৰ আৰক্ষীৰ নাকা তালাচীত জব্দ ইউৰীয়া সাৰ। অবৈধভাবে কঢ়িয়াই নিয়া ৩০০ বেগ ইউৰিয়া সাৰ জব্দ কৰে আৰক্ষীয়ে। উল্লেখ্য যে, এ এছ-০৩-বিচি-৮৮৮৮ নম্বৰৰ ট্ৰাকত ময়দা বস্তাৰ তলত লুকুৱাই নিয়া হৈছিল ইউৰিয়া সাৰখিনি।

তুলিৰ পৰা ডিমাপুৰ অভিমুখী আছিল ট্ৰাকখন। ঘটনাৰ সন্দৰ্ভত বৰপথাৰ আৰক্ষীয়ে হোজাই জিলাৰ ডবকাৰ ৰকিব আলী আৰু যোৰহাট জিলাৰ তিতাবৰৰ ৰঞ্জন ভূঞা নামৰ দুজন ব্যক্তিক আটক কৰি অধিক তথ্যৰ বাবে জেৰা অব্যাহত ৰাখিছে।

Also Read: উৎসৱমুখৰ পৰিৱেশত কাজিৰঙাত উদযাপন বিশ্ব গঁড় দিৱস