![বাইক আৰু ই-ৰিক্সাৰ মুখামুখি সংঘৰ্ষত নিহত এজন](http://media.assettype.com/asomiyapratidin%2F2024-01%2F6d9d1722-9965-4438-89ee-4ebc89f14921%2Fhjj.jpg?w=480&auto=format%2Ccompress&fit=max)
ডিজিটেল ডেস্কঃ কৰিমগঞ্জৰ শৰিষা এলেকাত মঙলবাৰে নিশা এক পথ দুৰ্ঘটনা সংঘটিত হয়। বাইক আৰু ই-ৰিক্সাৰ মাজত হোৱা মুখামুখি সংঘৰ্ষৰ ফলত নিহত হয় ৰাজু ৰায় নামৰ ই-ৰিক্সাৰ চালকজন।
আনহাতে বাইক চালক কুশল দাস নামৰ যুৱকজনক সংকটজনক অৱস্থাত ভৰ্তি কৰোৱা হয় শিলচৰ মেডিকেল কলেজ হাস্পতালত। ই-ৰিক্সাৰ চালকৰ মৃত্যুৰ খবৰ বিয়পি পৰাৰ পিছত উত্তেজিত জনতাই বাইক চালক কুশল দাসৰ বাসগৃহত তাণ্ডৱ চলায়। পৰৱৰ্তী সময়ত আৰক্ষী উপস্থিত হৈ পৰিস্থিতি নিয়ন্ত্ৰণ কৰে।
দুৰ্ঘটনাতপতিত ই-ৰিক্সাখনৰ নম্বৰ AS 10 ER 0117 আৰু বাইক খনৰ নম্বৰ AS 01 EX 0740 । ঘটনা সন্দৰ্ভত তদন্ত অব্যাহত ৰাখিছে আৰক্ষীয়ে।