কৰিমগঞ্জত পুনৰ মন্দিৰ আক্ৰমণৰ ঘটনা

ডিজিটেল সংবাদ, কৰিমগঞ্জঃ কৰিমগঞ্জ ৰাতাবাড়িৰ দামছৰা পুঞ্জীত মন্দিৰ জ্বলোৱাৰ ঘটনাৰ পিছত এইবাৰ ৰায়পুৰ অঞ্চলৰ শতবছৰ পুৰণি বন দুৰ্গা মন্দিৰৰ মাটিৰ মূৰ্তি ভাঙি চুৰমাৰ কৰিলে দুস্কৃতিকাৰীয়ে। কেকৰাগোল চাহ বাগিচা আৰু ৰায়পুৰ গাঁওৰ সংযোগী পথৰ কাষতে মন্দিৰটো অৱস্থিত।

স্থানীয় ৰাইজে অঞ্চলটোত বসতি স্থাপনৰ পৰাই সেই ঠাইখন বনদুৰ্গা স্থান হিচাপে স্বীকৃতি দি আহিছে।  পিছলৈ তাত এজন ব্যক্তিৰ ব্যক্তিগত উদ্যোগত এটা সৰু মন্দিৰ নিৰ্মাণ কৰা হয়।  সেই মন্দিৰত বন দুৰ্গাৰ মাটিৰ মূৰ্তি স্থাপন কৰি প্ৰতি বছৰে বাৰ্ষিক পূজা অনুষ্ঠিত হয়।  আন দিনত স্থানীয় ৰাইজে মন্দিৰত ধূপ আৰু পূজা-অৰ্চনা কৰে। 

পথৰ কাষত থকা মন্দিৰটোলৈ অহা-যোৱা কৰাৰ সময়ত পথচাৰীয়ে প্ৰণাম কৰে।  শতিকা পুৰণি সেই ঠাই বা মন্দিৰ স্থানীয় ৰাইজৰ কাষত জাগৰিত মন্দিৰ নামেৰে জনাজাত।  ফলত মন্দিৰৰ মূৰ্তি ভাঙি পেলোৱাৰ খবৰ বিয়পি পৰাৰ লগে লগে সোমবাৰে পুৱাৰে পৰা স্থানীয় ৰাইজে মন্দিৰ চৌহদত সমবেত হৈ ক্ষোভৰ ফাটি পৰা পৰিলক্ষিত হয়।

খবৰ পোৱাৰ লগে লগে নিভিয়া আৰক্ষী আউটপোষ্টৰ ভাৰপ্ৰাপ্ত আই চি,  ৰাজপ্ৰতাপ সিঙে আৰক্ষী বাহিনীক লৈ সেই স্থানত উপস্থিত হৈ তদন্ত আৰম্ভ কৰে।  কৰিমগঞ্জৰ পৰা ততাতৈয়াকৈ ডি এছ পি হেডকোয়াৰ্টাৰ নাৰায়ণ বড়ো ঘটনাস্থলীত উপস্থিত হয়।  ফলত স্থানীয় ৰাইজে এই ঘটনাৰ লগত জড়িত দোষীক চিনাক্ত কৰি কঠোৰ শাস্তি দিবলৈ আৰক্ষী প্ৰশাসনক দাবী জনায়। 

লালচৰা গাঁও পঞ্চায়তৰ সভাপতি সঞ্জয় কুমাৰ গোস্বামীয়েও ঘটনাস্থলীত উপস্থিত হৈ তদন্তৰ জৰিয়তে দোষীক চিনাক্ত কৰি গ্ৰেপ্তাৰ কৰিবলৈ আৰক্ষী প্ৰশাসনক অনুৰোধ কৰাৰ লগতে শীঘ্ৰে স্থানীয় পৰ্যায়ত এখন সমিতি গঠন কৰি সেই স্থানত এখন সুন্দৰ বনদুৰ্গা মন্দিৰ নিৰ্মাণ কৰাৰ আশ্বাস দিয়ে।

Also Read:  ৰাষ্ট্ৰীয় বেডমিন্টনত ৰাজ্যলৈ গৌৰৱ কঢ়িয়াই অনা বেদাগ্নি আৰু আৰোছক শিৱসাগৰত বিপুল সম্বৰ্ধনা