বাৰিষাৰ পৰশত জীপাল কাজিৰঙা: জাকে জাকে হৰিণা, গড়ে আকৰ্ষণ কৰিছে পৰ্যটকক...

ডিজিটেল সংবাদ, কাজিৰঙা : বসন্তত কুঁহি মেলা কোমল ঘাঁহনিত বাৰিষাৰ প্ৰথমজাক বৰষুণৰ পৰশ ৷ বৰষুণে জীপাল কৰা ন-কুঁহি ঘাঁহনিৰে সেউজীয়া হৈ পৰিছে কাজিৰঙা ৰাষ্ট্ৰীয় উদ্যানৰ বিশাল তৃণভূমি ৷

এই ৰূপত ৰহন সানি বিচৰণ কৰিছে গঁড়, ম’হ, হাতী, হৰিণাৰ জাকে। যি দৃশ্যই কাজিৰঙা ৰাষ্ট্ৰীয় উদ্যানৰ সোণত সুৱগা চৰায় ৷ কাঞ্চনজুৰিৰ বৰ্ষা সিক্ত তৃণভূমিত আপোনপাহৰা হৈ বিচৰণ কৰা বন্যজন্তুৱেও প্ৰতি খোজতে ভৰি জোকাৰি উপভোগ কৰিছে উপচি পৰা পানীৰ মধুৰ স্পৰ্শ ৷

৩৭ নং ৰাষ্ট্ৰীয় পথৰ কাষতে এনে মনোমোহা দেখি থমকি ৰৈছে কাজিৰঙালৈ অহা পৰ্যটক অথবা পথচাৰী ৷ নয়নভৰি উপভোগ কৰিছে প্ৰকৃতিৰ নয়নাভিৰাম দৃশ্য ৷ ৰাষ্ট্ৰীয় ঘাইপথৰ পৰাই কাজিৰঙাৰ মনোমোহা ৰূপ দেখি আপ্লুত পৰ্যটকে প্ৰশংসাৰে উপচাই পেলাইছে কাজিৰঙাক ৷

Also Read: দুৰ্ভগীয়া : ৰুগীয়া মাতৃৰ সৈতে কিদৰে আছে প্ৰাঞ্জল...