লখিমপুৰ
লখিমপুৰত ডিমেনচিয়া আৰু এলজাইমাৰ ৰোগৰ সজাগতা সভা...
ডিজিটেল সংবাদ লখিমপুৰঃ লখিমপুৰৰ বয়োজ্যেষ্ঠ লোকৰ পৰিচৰ্যাৰ অনুষ্ঠান "বিয়লি"ৰ উদ্যোগত ডিমেনচিয়া আৰু এলজাইমাৰ ৰোগৰ ওপৰত বৃহস্পতিবাৰে এক সজাগতা সভা অনুষ্ঠিত হয় ৷ তীৰ্থেশ্বৰ হাজৰিকা স্মাৰক “বিয়লি” ট্ৰাষ্টৰ উদ্যোগত এই সজাগতা সভা আৰু শিবিৰ লখিমপুৰৰ জ্যেষ্ঠ বিশেষজ্ঞ চিকিৎসকৰ উপস্থিতিত সম্পন্ন হয় ৷ বয়স বঢ়াৰ লগে লগে অজানিতে বহুলোক এলজাইমাৰ আৰু ডিমেনচিয়াৰ চিকাৰ হয় ৷
এই ৰোগৰ পৰা পৰিত্ৰানৰ উপায় কি আৰু কেনেকৈ সজাগ হ’ব তাৰ ওপৰত বিশদ বৰ্ণনা আগবঢ়াই চিকিৎসকসকলে ৷ “বিয়লি” পৰিচালন ট্ৰাষ্টি বিৰিঞ্চি প্ৰসন্ন হাজৰিকাই সমন্বয়ক হিচাবে থাকি এই দুবিধ ৰোগৰ ওপৰত প্ৰতিবছৰে সজাগতাৰ সৃষ্টি কৰি আহিছে ৷ এইবাৰ মুঠ ২৪ গৰাকী বয়োজ্যেষ্ঠ লোকক ডিমেনচিয়া আৰু এলজাইমাৰৰ বিষয়ে সজাগ কৰা হয় ৷