ডিজিটেল সংবাদ, ঢকুৱাখনা: লখিমপুৰ জিলাৰ সকলো চৰকাৰী, বেচৰকাৰী বিদ্যালয়ৰ সময়সূচী পুনৰনিৰ্ধাৰণ কৰা হৈছে। প্ৰচণ্ড গৰমৰ বাবে লখিমপুৰ জিলাৰ বিদ্যালয়সমূহৰ পৰিদৰ্শকে জিলাখনৰ সকলো বিদ্যালয়ৰ পাঠদান পুৱা ৮ বজাৰ পৰা আৰম্ভ কৰাৰ নিৰ্দেশ দিছে ।
লখিমপুৰ জিলা শিক্ষা চক্ৰৰ বিদ্যালয়সমূহৰ পৰিদৰ্শকে পূৰ্বৰ শনিবাৰে আই এছ /এল ডি চি/ চামাৰ ভেকেচন/০১/২০২৪-২৭২৫-৩০ নম্বৰৰ এক নিৰ্দেশনা যোগে অহা ২৩ ছেপ্টেম্বৰৰ পৰা জিলাখনৰ প্ৰাথমিক বিদ্যালয়সমূহৰ পাঠদান পুৱা ৮ বজাৰ পৰা ১২-৩০ বজালৈ, মধ্য ইংৰাজী, উচ্চ প্ৰাথমিক বিদ্যালয়, হাইস্কুল আৰু উচ্চতৰ মাধ্যমিক বিদ্যালয় সমূহ পুৱা ৮ বজাৰ পৰা বিয়লি ১ বজালৈ খোলা ৰাখি পাঠদান কৰাৰ নিৰ্দেশনা জাৰি কৰিছে।
বতৰৰ প্ৰতিকুলতাৰ প্ৰতি লক্ষ্য ৰাখি জিলাখনৰ সকলো শিক্ষানুষ্ঠানতে ২৩ছেপ্টেম্বৰৰ পৰা এই নিৰ্দেশনা কাৰ্যকৰী কৰাৰ জাননী জাৰি কৰা হৈছে ।
