ভূমি কেন্দ্ৰিক সংঘাতৰ ভয়ংকৰ পৰিণতি; তিনিজনৰ অৱস্থা সংকট জনক…

ডিজিটেল সংবাদ, ৰূপহীহাট: নগাওঁ জিলাৰ উত্তৰাঞ্চলৰ ৪নং ভগামুখত এডৰা ভূমিক কেন্দ্ৰ কৰি দুই পক্ষৰ মাজত প্ৰচণ্ড সংঘাতৰ সৃষ্টি হয় । ভূমিক কেন্দ্ৰ কৰি সুত্ৰপাত হোৱা সংঘাতত দুয়োটা পক্ষৰ কেইবাজনো লোক হতাহত ।

উক্ত ঘটনা সংঘটিত হোৱাৰ এদিনৰ পিছতহে পোহৰলৈ আহিছে আৰু লাওখোৱা চাপৰি আৰক্ষী থানাত গোছৰটো ৰুজু হৈছে৷ প্ৰাপ্ত তথ্য মতে চিনেমাৰ কায়দাৰে মুকলিকৈ ট্ৰেক্ট্ৰৰেৰে খুন্দিয়াই শ্যাম সুন্দৰ চৌহানৰ পৰিয়ালে গুৰুত্বৰভাৱে লোক কেইজনক প্ৰহাৰ কৰে ।

দুই পক্ষৰ এই সংঘাতৰ ফলত পিছত অঞ্চলজুৰি এক উত্তেজনাময় পৰিস্থিতিৰ সূচনা হয় । সংঘাতত আহত জৱাহৰলাল চৌহান, বিশ্বজিৎ চৌহান,ঊৰ্মিলা চৌহান বুলি জানিব পৰা গৈছে । শ্যাম সুন্দৰ চৌহানৰ পৰিয়ালে আগ্ৰাসী ৰূপ ধাৰণ কৰি পৰিয়ালটোৰ ওপৰত চিনেমাৰ কায়দাৰে জপিয়াই পৰা দৃশ্য কেমেৰাত সাক্ষী হৈ ৰৈছে ।

জানিব পৰা মতে আহত কেইজনে নগাঁৱৰ এখন ব্যক্তিগত চিকিৎসালয়ত মৃত্যুৰ সৈতে যুঁজি আছে । সমগ্ৰ ঘটনা সন্দৰ্ভত লাওঁখোৱা চাপৰি আৰক্ষী থানাত গোচৰ ৰুজু হৈছে ।ইতিমধ্য আৰক্ষীয়ে ঘটনাটো তদন্ত কৰিছে৷

আৰু পঢ়ক: ব্ৰহ্মপুত্ৰত কাজিৰঙাৰ বন কৰ্মীৰ সলিল সমাধি