![তীব্ৰ বেগী বাইকৰ বিদ্যুতৰ খুটাত প্ৰচণ্ড খুন্দা, থিতাতে নিহত আৰোহী...](http://media.assettype.com/asomiyapratidin%2F2022-12%2Fd9deb5f5-8a1d-4ba4-b46c-b6f364165a0f%2Fcc.jpg?w=480&auto=format%2Ccompress&fit=max)
ডিজিটেল সংবাদ, লামডিং: শনিবাৰে নিশা লামডিঙত সংঘটিত হয় ভয়ংকৰ পথ দুৰ্ঘটনা ৷ এই পথ দুৰ্ঘটনাৰ ফলত থিতাতে নিহত এগৰাকী বাইক আৰোহী ৷
লামডিং মাণ্ডলিক ৰেলৱে চিকিৎসালয়ৰ সন্মুখতে সংঘটিত হয় দুৰ্ঘটনাটো ৷ AS 09 B 8043 নম্বৰৰ এখন বাজাজ পালচাৰ বাইকে নিয়ন্ত্ৰণ হেৰুৱাই এটা বিদ্যুতৰ খুটাত খুন্দা মাৰি পথৰ ওপৰতে বাগৰি পৰে ৷
দুৰ্ঘটনাটোত নিহত বাইক আৰোহী জন লামডিং গান্ধী কলনিৰ নিৱাসী ২২ বছৰীয়া ৰোহিত ডুমাৰ বুলি জানিব পৰা গৈছে ৷ দুৰ্ঘটনাৰ পিছতে ততাতৈয়াকৈ লামডিং ৰেলৱে চিকিৎসালয়ত বাইক আৰোহী গৰাকীক ভৰ্তি কৰোৱা হয় যদিও চিকিৎসকে মৃত বুলি ঘোষণা কৰে ৷
প্ৰত্যক্ষদৰ্শীৰ মতে তীব্ৰ গতীত বাইক চলোৱা তথা নিয়ন্ত্ৰণ ৰক্ষা কৰিব নোৱাৰাতে উক্ত ঘটনাটো সংঘটিত হৈছে বুলি জানিব দিয়ে।
আৰু পঢ়ক: চানচিল্ক চেম্পু বাদ দিয়ক! নিজৰ সংস্কৃতি মনত কৰক...