দৰিদ্ৰতাৰ বাবেই এজন দক্ষ খেলুৱৈয়ে খেল এৰি দিব লগা হ'ল চাহৰ দোকান

ডিজিটেল সংবাদ, লামডিংঃ এজন দক্ষ খেলুৱৈ ৰূপত নিজকে প্ৰতিষ্ঠিত কৰা আগতে সপোন মৰহি গ'ল লামডিং এজন প্ৰতিভাৱান খেলুৱৈৰ ৷ দৰিদ্ৰতাৰ বাবেই এতিয়া লামডিং ৰাজপথত চাহৰ দোকান খুলিলে ৰাষ্ট্ৰীয় পৰ্যায়ৰ খেলুৱৈ ৰাজা দাসে ৷

দিল্লীত অনষ্ঠিত হোৱা প্ৰথমখন খেলো ইণ্ডিয়াত অসমৰ পৰা প্ৰথম জন খেলুৱৈ হিচাপে "ৱাকিং ৰেছত" প্ৰতিনিধিত্ব কৰিছিল এই প্ৰতিভাৱান খেলুৱৈজনে ৷ ৰাজ্যিক ৰাষ্ট্ৰীয় পৰ্যায়ত বহুবাৰ পদক অৰ্জন কৰিবলৈ সক্ষম হোৱা ৰাজা দাসে মাত্ৰ ২৩ বছৰ বয়সতে ধনৰ অভাৱত খেলৰ পৰা বিদায় ল'বলগীয়াত পৰে ৷

আৰ্থিকভাৱে জুৰুলা কৰা ৰাজা দাসৰ দেউতাকে পাচলি বিক্ৰেতা হিচাপে কাম কৰি পৰিয়ালটোক পোহপাল দি আহিছে ৷ কিন্তু দৈনিক অনুশীলনৰ বাবে লাগতিয়াল খাদ্যকে ধৰি বিভিন্ন সামগ্ৰী ক্ৰয় কৰিবলৈও অক্ষম হৈ পৰিছে প্ৰতিভাৱান যুৱকজনে ৷ সেয়হে খেল বাদ দি এতিয়া চাহৰ দোকান খুলি ব্যৱসায় আৰম্ভ কৰিছে ৷

দুৰ্ভাগ্যজনক কথা যে আজি পৰ্যন্ত লামডিং ক্ৰীড়া সংস্থাৰ পৰা কোনোধৰনৰ সহায়ৰ হাত আগবঢ়োৱা নাই ৷ কেৱল লামডিং সমষ্টিৰ বিধায়কে ৰাষ্ট্ৰীয় পৰ্যায়ত খেলিবলৈ যোৱাৰ সময়ত মাত্ৰ দুবাৰকৈ এহেজাৰ টকা প্ৰদান কৰাৰ লগতে এযোৰ পিন্ধা জোতা প্ৰদান কৰি সাহাস্য কৰিছিল ৷ ২০১৯ চনতেই "ৱাকিং ৰেছ" ৰ শেষৰখন প্ৰতিযোগিতাত অশংগ্ৰহন লৈয়ে সামৰণি মাৰিলে ৷

বৰ্তমান অসম আৰক্ষীৰ চাকৰিৰ বাবে নিজকে প্ৰস্তুত কৰিছে ৰাজাই ৷ চৰকাৰলৈ এটাই অনুৰোধ যদিহে চৰকাৰে সাহায্য কৰে তেনেহলে পুনৰ বাৰ সপোন সাৰ্থক হ'ব ৰাজাৰ ৷ অসমৰ লগতে দেশৰ বাবেও গৌৰৱ অৰ্জন কৰিবলৈ সুবিধা লাভ কৰিবলৈ সক্ষম হব ৰাজা।

Also Read: আজি মহাকাশলৈ বুলি যাত্ৰা কৰিব চন্দ্ৰযান-৩য়ে