ৰাজ্যত অব্যাহত বাৰ্মিজ চুপাৰিৰ ক'লা বেহা, লামডিঙত জব্দ বাৰ্মিজ চুপাৰী...

ডিজিটেল সংবাদ, লামডিং : নামুনিমুৱা ১৫৯০৯ অবোধ আচাম এক্সপ্ৰেছ ৰে'লখনৰ এচি এ-১ ডবাৰ পৰা প্ৰায় ৪৪৭ কেজি বাৰ্মিজ চুপাৰি জব্দ কৰে ৰে'ল আৰক্ষীয়ে। বিগত কেইদিনমানত লামডিং ৰে'ল আৰক্ষীয়ে বহু পৰিমাণে জব্দ কৰিছে নিষিদ্ধ বাৰ্মিজ চুপাৰী ৷ দিন ৰাতিয়ে ৰে'ল আৰক্ষীৰ চকু সন্মুখেৰে ৰে'লত সৰবৰাহ হৈছে বাৰ্মিজ চুপাৰী।

ৰে'ল আৰক্ষীকো যেন কেৰেপ নকৰে সৰবৰাহকাৰিয়ে। ডিমাপুৰৰ পৰা হোজাইলৈ সৰবৰাহ কৰাৰ সন্দেহ কৰা হৈছে চুপাৰীখিনি। জব্দ কৰা চুপাৰীখিনিৰ বজাৰ মূল্য প্ৰায় দুই লক্ষাধিক টকা ৷ এচি ডবাৰ ভিতৰত সৰৱৰাহ কাৰীয়ে কিদৰে ৯টা সৰু বস্তাত সৰৱৰাহ কৰিছিল চুপাৰীখিনি সেয়া ৰহস্যৰ আৱৰ্তত।

ৰে'ল বিভাগৰ তথা এচি ডবাৰ কৰ্মৰত কোনোলোক এই সৰৱৰাহকাৰীৰ সৈতে জড়িত আছে নেকি সেয়া ৰে'ল আৰক্ষীয়ে তদন্ত কৰিলেহে পোহৰলৈ আহিব ৷