৬ ঘণ্টাত ৩ টা বিধ্বংসী অগ্নিকাণ্ডঃ সোণাপুৰ, ৰঙাপাৰাৰ পাছত যোৰহাট...

ডিজিটেল ডেস্কঃ বুধবাৰৰ দিনটোৰ প্ৰথমটো বেলাতে আহিল অগ্নিকাণ্ডৰ তৃতীয়টো খবৰ। এইবাৰ অগ্নিকাণ্ড সংঘটিত হ'ল যোৰহাটত। জিলাখনৰ তৰাজানত সংঘটিত হৈছে ভয়ংকৰ অগ্নিকাণ্ড। এই অগ্নিকাণ্ডত সম্পূৰ্ণৰূপে জাহ গৈছে ৪ খনকৈ ব্যৱসায়িক প্ৰতিষ্ঠান। জানিব পৰা মতে হোটেলৰ চিলিণ্ডাৰ বিস্ফোৰণৰ বাবেই সংঘটিত হ'ল এই অগ্নিকাণ্ড। স্থানীয় ৰাইজৰ সহায়ত অগ্নি নিৰ্বাপন বাহিনীয়ে নিৰ্বাপিচ কৰিবলৈ সক্ষম হৈছে এই অগ্নিকাণ্ড।

ইয়াৰ পূৰ্বে শোণিতপুৰৰ ৰঙাপাৰা আৰু পুৱাই সোণাপুৰৰ দিচাং ৰিজ'ৰ্টত সংঘটিত হৈছিল বিধ্বংসী অগ্নিকাণ্ড। ৰঙাপাৰাস্থিত অসম ৰাজ্যিক পৰিবহণ নিগমৰ বাছ আস্থানত সংঘটিত হোৱা অগ্নিকাণ্ডত বিবেকানন্দ ষ্টোৰ নামৰ এখন দোকান সম্পূৰ্ণৰূপে জুইত জাহ গৈছিল।

আনহাতে পুৱা প্ৰায় ৫ বজাতেই অগ্নিকাণ্ড সংঘটিত হৈছিল সোণাপুৰৰ দিচাং ৰিজ'ৰ্টৰ স্থায়ী বিবাহ ভৱন। চৰ্ট চাৰ্কিটৰ ফলত সংঘটিত হোৱা এই অগ্নিকাণ্ডত ৩ টাকৈ চিলিণ্ডাৰো বিস্ফোৰণ হৈছিল। ফলত গোটেই অগ্নিকাণ্ডত অতি কমেও ৭০ লাখ টকাৰ ক্ষতি হোৱা বুলি ৰিজ'ৰ্টখনৰ গৰাকীয়ে প্ৰকাশ কৰিছিল।

Also Read: মোডী, শ্বাহৰ ৰাজ্য এতিয়া ক্ৰিকেটৰ ৰাজধানী ! গুৰুত্বহীন বহু গুৰুত্বপূৰ্ণ ষ্টেডিয়াম...