ব্যতিক্ৰমী পৰম্পৰাৰে বিহু উদযাপন মথুৰাপুৰত, বয়োজ্যেষ্ঠক বস্ত্ৰ প্ৰদানেৰে আশীষ গ্ৰহণ মথুৰাপুৰ চ'ছিয়েল ৱেলফেয়াৰ গ্ৰুপৰ

ডিজিটেল সংবাদ, মথুৰাপুৰ : ৰাজ্যৰ চৌদিশে ৰঙালীৰ ৰঙত উখল মাখল পৰিবেশ সময়তে অসমীয়া বাপোতিসাহোন ৰঙালী বিহুৰ উপলক্ষত দেওবাৰে চৰাইদেউ জিলাৰ অন্যতম অগ্ৰণী স্বেচ্ছাসেৱী সংগঠন মথুৰাপুৰ চ’ছিয়েল ৱেলফেয়াৰ গ্ৰুপে ব্যতিক্ৰমী ভাৱে বিহু উদযাপন কৰে ৷

ৰঙালী বিহুৰ উপলক্ষে স্বেচ্ছাসেৱী সংগঠনটোৱে সমাজত নিস্পেষিত পুত্ৰ- কন্যাৰ পৰা লাঞ্ছিত হোৱা ককা-আইতা সকলৰ মুখত হাঁহি বিৰিঙি উঠাৰ উদ্দেশ্যৰে মথুৰাপুৰ মাজগাঁওস্হিত বয়োজ্যেষ্ঠ আশ্ৰমৰ এক বস্ত্ৰ বিতৰণ স্বেচ্ছাসেৱী সংগঠনটোৰ কৰ্মকৰ্তা সকলে আশ্ৰমখনত আশ্ৰয় লৈ থকা একৈশ গৰাকী ককা- আইতাসকলৰ মাজত একোখনকৈ বিহুৱান,চাৰ্ট আৰু চাদৰ বিতৰণ কৰি আশীষ গ্ৰহণ কৰে ৷

এই কাৰ্যসূচীত গ্ৰুপটোৰ উপদেষ্টা যুগল বৰগোহাঁই,ৰাধু চৌধুৰী সদস্য ক্ৰমে প্ৰণৱ বৰগোহাঁই, বাসুদেৱ কুমাৰ, পূৰ্ণজিত ফুকন, কেশৱ বৰফুকন আৰু সংবাদকৰ্মী বিতু কোঁৱৰ উপস্থিত থাকি সহযোগিতা আগবঢ়াই ৷